Anushka Sharma: રોયલ ચેલેન્જર્સ બેંગલુરુ પંજાબ કિંગ્સને 8 વિકેટથી હરાવીને આઇપીએલ 2025ની ફાઇનલમાં પ્રવેશ્યું છે. 2016 સીઝન પછી આ પહેલી વાર છે જ્યારે બેંગલુરુ ફાઇનલ રમશે. વિરાટ કોહલીની પત્ની અનુષ્કા શર્મા પણ આ મેચ જોવા માટે આવી હતી, રજત પાટીદારે બેંગલુરુ માટે વિજયી છગ્ગો ફટકારતાની સાથે જ અનુષ્કા શર્માનું રિએક્શન વાયરલ થઈ ગયું છે.
બેંગલુરુ જીતતાં અનુષ્કા શર્મા ખૂબ જ ખુશ થઈ ગઈ હતી, તેની આંખોમાં ખુશીના આંસુ હતા. વિરાટ કોહલીની પ્રતિક્રિયા પણ વાયરલ થઈ રહી છે. તે આંગળી ચીંધતો જોવા મળ્યો હતો કે તેની ટીમ હવે ઇતિહાસ રચવાથી માત્ર એક ડગલું દૂર છે. આ પર અનુષ્કાએ ચહેરા પર સ્મિત સાથે જોરથી તાળીઓ પાડી હતી. અનુષ્કાના ચહેરા પર ખુશી સ્પષ્ટ દેખાઈ રહી હતી.
બેંગલુરુ એ ઇતિહાસ રચ્યો
રોયલ ચેલેન્જર્સ બેંગલુરુ છેલ્લે 2016માં ફાઇનલમાં પહોંચ્યું હતું. હવે 9 વર્ષ પછી બેંગલુરુ ફરીથી રજત પાટીદારની કેપ્ટનશીપમાં ઇન્ડિયન પ્રીમિયર લીગની ફાઇનલ રમવા જઈ રહી છે. આ હાર પંજાબ કિંગ્સ માટે નિરાશાજનક હતી કારણ કે તેઓ પણ તેમની પ્રથમ ટાઇટલ જીતની શોધમાં છે.
9 વર્ષ પછી ફાઇનલમાં RCB
રોયલ ચેલેન્જર્સ બેંગલુરુ છેલ્લે 2016માં IPL ફાઇનલ રમી હતી. ત્યારબાદ બેંગલુરુ ઘણી વખત પ્લેઓફમાં પહોંચ્યું હતું, પરંતુ ફાઇનલમાં સ્થાન મેળવી શક્યું ન હતું. આરસીબીની જીતનો પાયો સુયશ શર્મા અને જોશ હેઝલવુડે નાખ્યો હતો, જેમણે 3-3 વિકેટ લીધી હતી. બાકીનું કામ ફિલ સોલ્ટે પૂર્ણ કર્યું હતું, જેમણે 27 બોલમાં અણનમ 56 રન બનાવ્યા હતા.
રોયલ ચેલેન્જર્સ બેંગલુરુની જીતના 3 સૌથી મોટા હીરો હતા. સુયશ શર્મા અને જોશ હેઝલવુડે કેપ્ટન રજત પાટીદારના પહેલા બોલિંગ કરવાના નિર્ણયને યોગ્ય સાબિત કર્યો હતો. સુયશ શર્માએ 3 ઓવરમાં 17 રન આપીને 3 વિકેટ લીધી. બીજી તરફ, જોશ હેઝલવૂડે પણ તબાહી મચાવી અને 3.1 ઓવરમાં 21 રન આપીને 3 વિકેટ લીધી હતી. તેની ઘાતક બોલિંગનું પરિણામ એ આવ્યું કે પંજાબ તેના હોમ ગ્રાઉન્ડ પર ફક્ત 101 રનના સ્કોર પર સમેટાઈ ગયું. જ્યારે બેટિંગનો સમય આવ્યો ત્યારે RCBનો હીરો ફિલ સોલ્ટ હતો, જેણે 56 રન બનાવ્યા હતા.