IPL 2026: મુંબઈ ઈન્ડિયન્સના ફેન્સ માટે ખુશખબર! હાર્દિક પંડ્યા એકદમ ફિટ, આ મેચથી મેદાનમાં કરશે વાપસી

બીમારીના કારણે દિલ્હી સામેની મેચ નહોતો રમ્યો, 7 એપ્રિલે રાજસ્થાન રોયલ્સ સામે ફરીથી ટીમની કમાન સંભાળશે; નેટ્સમાં પણ પ્રેક્ટિસ શરૂ કરી દીધી.

ipl 2026 mi vs rr hardik pandya return confirmed by coach paras mhambrey

Source : PTI

Show Quick Read

Key points generated by AI, verified by newsroom

• હાર્દિક પંડ્યા બીમારી બાદ ફિટ, રાજસ્થાન સામે રમશે.
• દિલ્હી સામેની મેચમાં સૂર્યકુમાર યાદવે સંભાળી હતી કેપ્ટનશીપ.
• હાર્દિકની ગેરહાજરીમાં મુંબઈ દિલ્હી સામે હારી ગયું હતું.
• હાર્દિકે 153 IPL મેચમાં 2767 રન અને 79 વિકેટ લીધી.

• હાર્દિક પંડ્યા હવે સંપૂર્ણ ફિટ છે અને 7 એપ્રિલે રાજસ્થાન રોયલ્સ સામેની મેચમાં મેદાનમાં પરત ફરશે.
• તે 4 એપ્રિલે દિલ્હી સામેની મેચ બીમારીના કારણે રમી શક્યો નહોતો, પરંતુ હવે તેણે નેટ્સમાં પ્રેક્ટિસ શરૂ કરી દીધી છે.
• હાર્દિકની ગેરહાજરીમાં મુંબઈનો દિલ્હી સામે પરાજય થયો હતો, હવે તે ફરીથી કેપ્ટન તરીકે ટીમની કમાન સંભાળશે.

IPL 2026 ની રોમાંચક સીઝન વચ્ચે મુંબઈ ઈન્ડિયન્સ (MI) ના ચાહકો માટે એક મોટા અને રાહતના સમાચાર સામે આવ્યા છે. બીમારીના કારણે એક મેચમાંથી બહાર રહેલા ટીમના નિયમિત કેપ્ટન હાર્દિક પંડ્યા હવે સંપૂર્ણપણે ફિટ છે અને વાપસી કરવા માટે બિલકુલ તૈયાર છે. 7 એપ્રિલે રાજસ્થાન રોયલ્સ સામે રમાનારી મેચમાં હાર્દિક ફરીથી મેદાનમાં ઉતરશે અને પોતાની ટીમનું નેતૃત્વ કરતો જોવા મળશે.

તમને જણાવી દઈએ કે, મુંબઈ ઈન્ડિયન્સે આ સીઝનની પોતાની બીજી મેચ 4 એપ્રિલના રોજ દિલ્હી કેપિટલ્સ સામે રમી હતી. આ મેચમાં હાર્દિક પંડ્યા પ્લેઈંગ ઈલેવનનો ભાગ નહોતો અને તેની જગ્યાએ સૂર્યકુમાર યાદવે કેપ્ટનશીપ સંભાળી હતી. મુંબઈના બોલિંગ કોચે હાર્દિકના સ્વાસ્થ્ય વિશે લેટેસ્ટ અપડેટ આપતા સ્પષ્ટતા કરી હતી કે, હાર્દિકને કોઈ ઈજા નહોતી થઈ, પરંતુ તે માત્ર બીમાર હતો. જોકે, હવે તે એકદમ સાજો થઈ ગયો છે અને તેણે નેટ્સમાં પરસેવો પાડવાનું (પ્રેક્ટિસ) પણ શરૂ કરી દીધું છે. આવતીકાલે ગુવાહાટીમાં રાજસ્થાન સામે રમાનારી મેચમાં તે રમવા માટે 100% ઉપલબ્ધ રહેશે.

હાર્દિકની ગેરહાજરી મુંબઈને થોડી ભારે પડી હતી, કારણ કે દિલ્હી સામેની એ મેચમાં મુંબઈનો 6 વિકેટથી પરાજય થયો હતો. જોકે, સીઝનની પહેલી મેચમાં મુંબઈએ શાનદાર પ્રદર્શન કરતા કોલકાતા નાઈટ રાઈડર્સ (KKR) ને 6 વિકેટથી હરાવ્યું હતું. તે પહેલી મેચમાં હાર્દિકે બેટિંગમાં અણનમ 18 રન બનાવ્યા હતા અને બોલિંગમાં 3 ઓવરમાં 39 રન આપીને 1 વિકેટ પણ પોતાના નામે કરી હતી.

હાર્દિક પંડ્યાની આઈપીએલ કારકિર્દી પર એક નજર

હાર્દિકે અત્યાર સુધીમાં પોતાની શાનદાર IPL કરિયરમાં કુલ 153 મેચ રમી છે. બેટિંગના આંકડા જોઈએ તો, 141 ઇનિંગ્સમાં તેણે 28.52 ની એવરેજ અને 147.02 ના જબરદસ્ત સ્ટ્રાઇક રેટથી 2767 રન ફટકાર્યા છે. આ દરમિયાન તેના બેટમાંથી 10 અડધી સદી પણ નીકળી છે અને તેનો બેસ્ટ સ્કોર 91 રન રહ્યો છે. બીજી બાજુ બોલિંગમાં પણ હાર્દિકે કમાલ કરતા 108 ઇનિંગ્સમાં 32.03 ની એવરેજથી કુલ 79 વિકેટ ઝડપી છે. બોલિંગમાં તેનું સર્વશ્રેષ્ઠ પ્રદર્શન 36 રન આપીને 5 વિકેટ લેવાનું (5/36) રહ્યું છે, જ્યારે તેની ઈકોનોમી 9.22 ની રહી છે.

આ પણ વાંચો

કિંગ કોહલીનો કમાલ! ચેન્નઈ સામે ફટકાબાજી કરી રોહિત શર્માનો મોટો રેકોર્ડ તોડ્યો