IPL 2025 Final Date: રૉયલ ચેલેન્જર્સ બેંગ્લોરે ક્વૉલિફાયર-1 માં પંજાબ કિંગ્સને હરાવીને ફાઇનલમાં પોતાનું સ્થાન નિશ્ચિત કર્યું હતું. હવે રાહ બીજી ફાઇનલિસ્ટ ટીમની છે, જેનો નિર્ણય 1 જૂને આવવાનો છે, કારણ કે તે જ દિવસે બીજી ક્વૉલિફાયર (MI vs PBKS ક્વોલિફાયર 2) મેચ પંજાબ કિંગ્સ અને મુંબઈ ઇન્ડિયન્સ વચ્ચે રમાનારી છે. શિડ્યૂલ મુજબ, IPL 2025 ની ફાઇનલ (IPL 2025 Final Date) 3 જૂને અમદાવાદના નરેન્દ્ર મોદી સ્ટેડિયમ ખાતે રમાનારી છે.
ફાઇનલ ૩ જૂને નહીં, પણ ૪ જૂને કેવી રીતે રમાશે ? ઓરિજિનલ શિડ્યૂલ મુજબ, IPL ૨૦૨૫ ની ફાઇનલ ૩ જૂને નરેન્દ્ર મોદી સ્ટેડિયમ ખાતે રમાશે. જો વરસાદ કે અન્ય કોઈ કારણોસર મેચ રદ જાહેર કરવામાં આવે છે, તો ફાઇનલ મેચ ૪ જૂને યોજાશે. કારણ કે નિયમો મુજબ, ૪ જૂને ફાઇનલ મેચ માટે રિઝર્વ ડે રાખવામાં આવ્યો છે.
થોડા સમય પહેલા પ્લેઓફ મેચો માટે નવા નિયમો જારી કરવામાં આવ્યા હતા. જો વરસાદ કે અન્ય કોઈ કારણોસર પ્લેઓફ મેચ સમયસર શરૂ ન થાય, તો તેના માટે 120 મિનિટનો વધારાનો સમય ફાળવવામાં આવશે. આનો અર્થ એ થયો કે જો મેચ સાંજે 7:30 વાગ્યે શરૂ ન થઈ શકે, તો રાત્રે 9:30 વાગ્યા સુધી ઓવરમાં કોઈ ઘટાડો કરવામાં આવશે નહીં. એટલે કે, જો મેચ રાત્રે 9:30 વાગ્યે શરૂ થાય તો પણ ફક્ત 20 ઓવર જ રમાશે.
RCB અને પંજાબ, ક્યારેય ચેમ્પિયન બન્યા નથી IPL 2025 ની ટાઇટલ રેસમાં બાકી રહેલી 3 ટીમોમાંથી 2 એવી છે જે ક્યારેય ટ્રોફી જીતી શકી નથી. મુંબઈ ઇન્ડિયન્સ અત્યાર સુધીમાં 5 વખત ચેમ્પિયન બની છે. મુંબઈ પણ 4 વર્ષથી તેની છઠ્ઠી ટ્રોફીની રાહ જોઈ રહ્યું છે. MI નું છેલ્લું ટાઇટલ 2020 માં આવ્યું હતું, જ્યારે તેણે દિલ્હી કેપિટલ્સને 5 વિકેટથી હરાવ્યું હતું. મુંબઈ છેલ્લા ચાર સિઝનથી ફાઇનલમાં પહોંચી શક્યું નથી.