MI vs PBKS: 'આજે તો એક પગે ઉભા રહીને પણ રમશે... ', - સૂર્યકુમારને ઇજા થતાં મુંબઇના કૉચે આપ્યુ જોશીલુ નિવેદન
Suryakumar Yadav Injury Update: ર્યકુમાર યાદવની ઈજાના સમાચાર MI મેનેજમેન્ટની ચિંતા વધારી રહ્યા છે. હવે મુંબઈના કોચ મહેલા જયવર્ધનેએ આ ઈજાના અહેવાલો પર મોટું નિવેદન આપ્યું છે
Suryakumar Yadav Injury Update: પાંચ વખતની IPL ચેમ્પિયન મુંબઈ ઈન્ડિયન્સે ગુજરાત ટાઇટન્સને રોમાંચક એલિમિનેટર મેચમાં 20 રનથી હરાવ્યું. આજે તેઓ ક્વૉલિફાયર-2 (MI vs PBKS ક્વૉલિફાયર 2) માં પંજાબ કિંગ્સનો સામનો કરવા જઈ રહ્યા છે. આ મેચ અમદાવાદના નરેન્દ્ર મોદી સ્ટેડિયમ ખાતે રમાશે, જેમાંથી વિજેતા 3 જૂને ફાઇનલમાં RCB સામે ટકરાશે. તેથી, મુંબઈ અને પંજાબ બંને જીતવા માટે શ્રેષ્ઠ પ્રયાસો કરવા જઈ રહ્યા છે, પરંતુ આ દરમિયાન સૂર્યકુમાર યાદવની ઈજાના સમાચાર MI મેનેજમેન્ટની ચિંતા વધારી રહ્યા છે. હવે મુંબઈના કોચ મહેલા જયવર્ધનેએ આ ઈજાના અહેવાલો પર મોટું નિવેદન આપ્યું છે.
એલિમિનેટર મેચમાં એક એવી ક્ષણ આવી જેનાથી એવું લાગતું હતું કે સૂર્યકુમાર યાદવ ઘાયલ છે. મેચ સમાપ્ત થયા પછી મહેલા જયવર્ધનેએ મેચ પછીની કૉન્ફરન્સમાં કહ્યું કે સૂર્યા એક પગ પર ઊભા રહેવા છતાં પણ રમશે.
સૂર્યા એક પગે ઉભા રહીને રમશે...
મહેલા જયવર્ધનેએ સૂર્યકુમાર યાદવની ઈજા અંગે અપડેટ આપતા કહ્યું, "જ્યાં સુધી હું જાણું છું, તેને કોઈ ગંભીર ઈજા થઈ નથી. ફિઝિયોએ મારી સામે કોઈ ચિંતા વ્યક્ત કરી નથી. સૂર્યા સ્વસ્થ છે, ભલે તેને એક પગે ઉભા રહીને રમવું પડે, તે પંજાબ સામે રમશે."
જયવર્ધનેએ એમ પણ કહ્યું કે આગામી પડકારો તેમની ટીમ માટે મુશ્કેલ હશે, પરંતુ બધા ખેલાડીઓ સ્વસ્થ છે. MI કોચને વિશ્વાસ છે કે જો એક પગ પર ઉભા રહીને રમવાની પરિસ્થિતિ ઊભી થાય તો મુંબઈના ખેલાડીઓ તેના માટે તૈયાર રહેશે.
સૂર્યકુમાર યાદવ શાનદાર ફોર્મમાં છે અને ઓરેન્જ કેપની રેસમાં બીજા સ્થાને છે. સૂર્યાએ અત્યાર સુધી 15 મેચમાં 673 રન બનાવ્યા છે અને IPL 2025માં MI માટે સૌથી વધુ રન બનાવનાર ખેલાડી પણ છે. એ પણ આશ્ચર્યજનક છે કે સૂર્યા આખી સીઝનમાં 25 રનથી ઓછા રન બનાવીને આઉટ થયો નથી. આ જ કારણ છે કે IPL 2025માં તેની સરેરાશ 67.30 છે.
ટોપ સ્ટોરી
ટ્રેન્ડિંગ સમાચાર
