નવી દિલ્હીઃ ક્રિકેટ જગતમાં કંઇપણ થઇ શકે છે, વિચિત્ર કિસ્સાઓ ગમે ત્યારે સામે આવી શકે છે. ક્રિકેટ વેસ્ટ ઇન્ડિઝે ઇંગ્લેન્ડમાં 30મેથી શરૂ થઇ રહેલા વર્લ્ડકપ માટે ડ્વેન બ્રાવોને સામેલ કર્યો છે. વેસ્ટ ઇન્ડિઝ ક્રિકેટ બોર્ડે વર્લ્ડકપ માટે 10 સભ્યોની રિઝર્વ ટીમમાં બ્રાવોને સ્થાન આપ્યુ છે, હાલ બ્રાવો ઇન્ટરનેશનલ ક્રિકેટમાંથી સન્યાસ લઇ ચૂક્યો છે. ક્રિકેટ વેસ્ટ ઇન્ડિઝે પોતાની વેબસાઇટ પર આ 10 ખેલાડીઓની યાદી મુકી છે.



ડ્વેન બ્રાવો વેસ્ટ ઇન્ડિઝ ટીમનો ઓલરાઉન્ડર ખેલાડી છે. તેને ગયા વર્ષે ઓક્ટોબરમાં ક્રિકેટને અલવિદા કહી દીધુ હતુ, બ્રાવોએ ઓક્ટોબર 2014માં પોતાની છેલ્લી વનડે રમી હતી.

ઉલ્લેખનીય છે કે, જ્યારે બ્રાવો વેસ્ટ ઇન્ડિઝ ટીમનો કેપ્ટન હતો ત્યારે બોર્ડ સાથે પૈસાની બાબતને લઇને અણબન થતાં બ્રાવો ભારત પ્રવાસ છોડીને પરત પોતાના દેશમાં ચાલ્યો ગયો હતો.