ભારતીય ટીમનો કેપ્ટન રોહિત શર્મા હાલમાં બ્રેક પર છે અને તેનો ભરપૂર આનંદ માણી રહ્યો છે. રોહિત શર્મા મુંબઈના રસ્તાઓ પર તેની લક્ઝરી કાર લેમ્બોર્ગિની ઉરુસ ચલાવતો જોવા મળ્યો હતો. રોહિત શર્માની કારની નંબર પ્લેટે ચાહકોનું ધ્યાન ખેંચ્યું હતું.
ભારતીય કેપ્ટન રોહિત શર્માની વાદળી રંગની લેમ્બોર્ગિની કારનો નંબર 0264 છે. આ નંબર રોહિત શર્માના ODI ફોર્મેટમાં સર્વશ્રેષ્ઠ વ્યક્તિગત સ્કોરથી પ્રેરિત છે. હિટમેને 13 નવેમ્બર 2014ના રોજ શ્રીલંકા સામે 264 રનની ઇનિંગ રમી હતી. આ ODI ઈતિહાસનો સર્વશ્રેષ્ઠ વ્યક્તિગત સ્કોર પણ છે.
રોહિત શર્માએ ઈડન ગાર્ડન્સમાં પોતાની બેટિંગ ક્ષમતા સાબિત કરી હતી. તેણે પોતાની ઇનિંગ દરમિયાન 33 ફોર અને 9 સિક્સર ફટકારી હતી. જો કે, જ્યારે રોહિત શર્મા તેની કારમાં મુંબઈમાં ફરતો જોવા મળ્યો, ત્યારે ચાહકો તેની એક ઝલક મેળવવા માટે બેતાબ હતા. ચાહકોએ ભારતીય કેપ્ટનના ફોટોગ્રાફ્સ લેવાનું શરૂ કર્યું અને ક્રિકેટરે થમ્બ્સ-અપ આપીને તેમનું અભિવાદન સ્વીકાર્યું.
હિટમેન રોહિત બ્રેકનો આનંદ માણી રહ્યો છે
ભારતીય ટીમના કેપ્ટન રોહિત શર્મા આ દિવસોમાં બ્રેક પર છે. શ્રીલંકામાં સિરીઝ હાર્યા બાદ રોહિત શર્મા દેશ પરત ફર્યો છે અને પરિવાર અને મિત્રો સાથે ક્વોલિટી ટાઈમ પસાર કરી રહ્યો છે. રોહિત શર્માને દુલીપ ટ્રોફીમાં પણ બ્રેક આપવામાં આવ્યો છે અને હવે તે બાંગ્લાદેશ સામેની ટેસ્ટ શ્રેણીમાં એક્શનમાં જોવા મળી શકે છે.
ભારતીય ટીમ બાંગ્લાદેશ સામેની શ્રેણી બાદ ન્યુઝીલેન્ડની યજમાની કરશે અને ત્યારબાદ બોર્ડર-ગાવસ્કર ટ્રોફી માટે ઓસ્ટ્રેલિયા રવાના થશે. ભારત અને ઓસ્ટ્રેલિયા વચ્ચે પાંચ ટેસ્ટ મેચોની શ્રેણી રમાશે.
રોહિત શર્માએ 2014માં શ્રીલંકા સામે 264 રનની વિસ્ફોટક ઇનિંગ રમી હતી, જે ODI ક્રિકેટ ઇતિહાસની સૌથી મોટી ઇનિંગ છે.
રોહિત શર્માએ ભારતને 2024નો T20 વર્લ્ડ કપ જિતાડ્યા પછી T20 ક્રિકેટમાંથી નિવૃત્તિની જાહેરાત કરી હતી. 2007માં T20 આંતરરાષ્ટ્રીય ક્રિકેટમાં ડેબ્યુ કરનાર રોહિતને અત્યાર સુધી યોજાયેલા દરેક T20 વર્લ્ડ કપમાં રમનાર એકમાત્ર ભારતીય ક્રિકેટર હોવાનું અનોખું ગૌરવ પ્રાપ્ત છે. રોહિતે તાજેતરમાં યોજાયેલા T20 વર્લ્ડ કપના 8 મેચોમાં 257 રન બનાવ્યા, જે ભારતીય ખેલાડી તરીકે સૌથી વધુ રહ્યા.
Join Our Official Telegram Channel:
https://t.me/abpasmitaofficial