T20 WC: ટી20 વર્લ્ડકપનુ સમાપન થઇ ગયુ છે, 45 મેચ સુધી ચાલેલા આ જંગમાં ઓસ્ટ્રેલિયા મોટુ વિજેત બનાનીને સામે આવ્યુ છે. ટી20 ફોર્મેટમાં પહેલીવાર ઓસ્ટ્રેલિયાના હાથે સૌથી મોટો ખિતાબ લાગ્યો છે, 14 વર્ષના વનવાસ બાદ ઓસ્ટ્રેલિયા વિશ્વ ચેમ્પિયન બન્યુ છે. વર્લ્ડકપ ફાઇનલ જીત્યા બાદ આખી ટીમે જબરદસ્ત રીતે જશ્ન મનાવ્યો અને તેની તસવીરો પણ સોશ્યલ મીડિયા પર વાયરલ થઇ રહી છે. હવે આઇસીસીએ ટી20 વર્લ્ડકપની બેસ્ટ પ્લેઇંગ ઇલેવન પસંદ કરી છે, જેમાં પાકિસ્તાનના બાબર આઝમને કેપ્ટન બનાવવામાં આવ્યો છે.
પ્લેઇંગ ઇલેવન ઉપરાંત એક 12મો ખેલાડી પણ પસંદ કરવામાં આવ્યો છે. ખાસ વાત છે કે આમાં એકપણ ભારતીય ખેલાડી સામેલ નથી. આઇસીસીની મૉસ્ટ વેલ્યૂએબલ ટીમમાં કયા કયા ખેલાડીઓ છે જુઓ..............
આઇસીસીની બેસ્ટ ટીમ (બેટિંગ ઓર્ડર અનુસાર)
1. ડેવિડ વૉર્નર (ઓસ્ટ્રેલિયા) – 289 રન, 48.16 એવરેજ
2. જૉસ બટલર (વિકેટકીપર, ઇંગ્લેન્ડ) - 269 રન, 89.66 એવરેજ. 5 આઉટ પણ.
3. બાબર આઝમ, કેપ્ટન (પાકિસ્તાન) - 303 રન, 60.60 એવરેજ
4. ચરિથ અસલન્કા (શ્રીલંકા) - 231 રન, 46.20 એવરેજ
5. એડમ માર્કરમ (સાઉથ આફ્રિકા) - 162 રન, 54.00 એવરેજ
6. મોઇન અલી (ઇંગ્લેન્ડ) - 92 રન, 7 વિકેટ
7. વી. હસરંગા (શ્રીલંકા) - 16 વિકેટ, 9.75 એવરેજ
8. એડમ ઝામ્પા (ઓસ્ટ્રેલિયા) - 13 વિકેટ, 12.07 એવરેજ
9. જૉશ હેઝલવુડ (ઓસ્ટ્રેલિયા) - 11 વિકેટ, 15.90 એવરેજ
10. ટ્રેન્ટ બૉલ્ટ (ન્યૂઝીલેન્ડ) - 13 વિકેટ, 13.30 એવરેજ
11. એનરિક નોર્ખિયા (સાઉથ આફ્રિકા) - 9 વિકેટ, 11.55 એવરેજ
12 મો ખેલાડી - શાહીન આફ્રિદી (પાકિસ્તાન) - 7 વિકેટ, 24.14 એવરેજ
ઉલ્લેખનીય છે કે, આઇસીસીની એક સિલેક્શન પેનલે આઇસીસીની આ ટીમને પસંદ કરી છે, આમાં ઇયૉન બિશપ (કન્વિનર), એ.જર્મેનૉસ, શેન વૉટસન, એલ બૂથ, શાહિદ હાશમી સહિતના એક્સપર્ટ્સ હતા.
એકપણ ભારતીય ખેલાડીને ના મળી ટીમમાં જગ્યા-
ટી20 વર્લ્ડકપની બેસ્ટ ટીમમાં એકપણ ભારતીય ખેલાડીને જગ્યા નથી મળી, ભારત તરફથી કેએલ રાહુલ અને જસપ્રીત બુમરાહએ સૌથી વધુ રન, વિકેટ લીધી હતી. પરંતુ વર્લ્ડકપમાં તમામ ખેલાડીઓના લિસ્ટમાં તે ખુબ પાછળ રહ્યાં. ટીમ ઇન્ડિયા માટે આ વર્લ્ડકપ ખુબ નિરાશાજનક રહ્યો હતો.
પાકિસ્તાન-ન્યૂઝીલેન્ડ જેવી મૂજબૂત ટીમો સામે હાર્યા બાદ ભારત માત્ર અફઘાનિસ્તાન, સ્કૉટલેન્ડ અને નામિબિયાને જ હરાવી શક્યુ હતુ. આ કારણે ભારત સેમિ ફાઇનલમાં ના પહોંચી શક્યુ. આઇસીસીની ટીમમાં વર્લ્ડ ચેમ્પિયન ઓસ્ટ્રેલિયાના ત્રણ ખેલાડી છે, જ્યારે બાબર આઝમ એકલો પાકિસ્તાની ખેલાડી છે. જોકે પાકિસ્તાનના શાહિન આફ્રિદીને 12માં ખેલાડી તરીકે સ્થાન આપવામાં આવ્યુ છે.