BCCI New Secretary:રોહન જેટલી ભારતીય ક્રિકેટ કંટ્રોલ બોર્ડ (BCCI)ના સેક્રેટરીનું પદ સંભાળી શકે છે. જો જય શાહ નવેમ્બરમાં બીસીસીઆઈ સેક્રેટરીના પદ પરથી રાજીનામું આપે તો આવું થશે. આ વર્ષે ઓગસ્ટમાં શાહને ICCના નવા અધ્યક્ષ તરીકે બિનહરીફ ચૂંટવામાં આવ્યા હતા. હાલના ચેરમેન ગ્રેગ બાર્કલેના સ્થાને જય શાહ 1 ડિસેમ્બરથી ICC ચીફનો કાર્યભાર સંભાળશે. જય શાહ ICC અધ્યક્ષ તરીકે ચૂંટાયેલા સૌથી યુવા વ્યક્તિ છે.
જય શાહ ICC અધ્યક્ષ તરીકે ચૂંટાયા હોવાથી હવે બીસીસીઆઈના નવા સચિવની શોધ કરવી પડશે. આ પોસ્ટ માટે રોહનનું નામ સૌથી આગળ છે. રોહન પૂર્વ કેન્દ્રીય મંત્રી અને ભાજપના નેતા સ્વર્ગસ્થ અરુણ જેટલીનો પુત્ર છે. આ પોસ્ટ માટે તેમની પસંદગી કરવામાં આવી હોવાના અહેવાલ છે. બીસીસીઆઈ અને આઈસીસીના પૂર્વ અધ્યક્ષ જગમોહન દાલમિયાના પુત્ર અભિષેક દાલમિયા પણ આ પદની રેસમાં છે. અગાઉ અભિષેક બંગાળ ક્રિકેટ એસોસિએશનના પ્રમુખ હતા. પરંતુ, હાલમાં રોહનને પ્રાથમિકતા આપવામાં આવી રહી છે.
હાલમાં રોહન દિલ્હી અને જિલ્લા ક્રિકેટ એસોસિએશન (DDCA) ના પ્રમુખ છે. રોહન ચાર વર્ષ પહેલા ક્રિકેટ એડમિનિસ્ટ્રેશનમાં આવ્યા હતો. આ પછી તેમને DDCAના પ્રમુખ તરીકે નિયુક્ત કરવામાં આવ્યા. અરુણ જેટલી 14 વર્ષ સુધી આ પદ પર રહ્યા. જ્યારે રોહન પ્રમુખ હતા, ત્યારે ODI વર્લ્ડ કપની પાંચ મેચ દિલ્હીના અરુણ જેટલી સ્ટેડિયમમાં રમાઈ હતી, જે તેના પિતાના નામ પર રાખવામાં આવી હતી. રોહન બીસીસીઆઈના ઉપાધ્યક્ષ પણ રહી ચૂક્યા છે.
હવે જય શાહની વાત કરીએ તો તે ICCના અધ્યક્ષ બનનારા ભારતમાંથી ત્રીજા વ્યક્તિ છે. એન શ્રીનિવાસન 2014 થી 2015 સુધી અને શશાંક મનોહર 2015 થી 2020 સુધી આ પદ પર હતા. આઈસીસી પ્રમુખ પદ પર બે ભારતીયો પણ છે. જગમોહન દાલમિયા (1997 થી 2000 સુધી) અને શરદ પવાર (2010 થી 2012) પ્રમુખ હતા.