વિરાટ કોહલી યો-યો ટેસ્ટમાં પાસ, આ દિગ્ગજ ખેલાડી થયો ફેઈલ

ફિટનેસ ટેસ્ટમાં રાયડુના ફેલ થવા બાદ એક્સપર્ટ્સ પણ હેરાન છે કે ત્રણ અઠવાડિયા પહેલા ખતમ થયેલી લીગમાં 600 રન બનાવનારો ખેલાડી ફિટનેસ ટેસ્ટમાં કેવી રીતે ફેઈલ થઈ શકે છે?

જણાવી દઈએ કે હાલમાં સમાપ્ત થયેલા આઈપીએલમાં શાનદાર પ્રદર્શન કરનારા રાયડુને ટીમ ઈન્ડિયામાં વન-ડે મેચો માટે પસંદ કરવામાં આવ્યો હતો. લગભગ દોઢ વર્ષ બાદ તેની ભારતીય ટીમમાં કમબેક થયું હતું.

બીસીસીઆઈના એક ઉચ્ચ અધિકારીએ જણાવ્યુ, વિરાટ કોહલી સહિત ટીમ ઈન્ડિયાના બધા ખેલાડીઓએ યો-યો ટેસ્ટ પાસ કરી લીધો છે. બ્રિટનના પ્રવાસ માટે પસંદ કરાયેલા એકમાત્ર અંબાતી રાયડુ જ એવો ખેલાડી છે, જે યો-યો ટેસ્ટ પાસ કરી શક્યો નથી. આ ટેસ્ટમાં તેને જે પોઈન્ટ મેળવ્યા છે તે 16.1થી ઓછા હતા. હવે રાયડુને ટીમમાંથી ડ્રોપ થવું પડશે.

નવી દિલ્હીઃ ભારતીય કેપ્ટન વિરાટ કોહલીનું આયરલેન્ડ વિરૂદ્ધ બે મેચની ટી-20 સીરીઝમાં રમવાનું નક્કી છે, પરંતુ અંબતિ રાયડુ યો-યો ટેસ્ટમાં ફેઈલ થવાથી ઇંગ્લેન્ડના પ્રવાસથી બહાર થઈ શકે છે. તેનો સ્કોર 16.1થી ઓછો હતો, જે ભારતીય ટીમ માટે માપકંડ રાખવામાં આવ્યો છે.