Viral Video: રાષ્ટ્રપતિ ભવનમાં રાષ્ટ્રપતિએ 141 લોકોને પદ્મ પુરસ્કારથી સન્માનિત કર્યા. આ દરમિયાન રમત જગતમાંથી બેડમિન્ટન ખેલાડી પીવી સિન્ધુને પદ્મ ભૂષણથી સન્માનિત કરવામાં આવી, તે બે વારની ઓલિમ્પિક પદક વિજેતા રહી ચૂકી છે. દેશના ત્રીજા સર્વોચ્ચ નાગરિક પુરસ્કાર પદ્મ પુરસ્કારથી સન્માનિત થવાના થોડાક સમય પહેલા જ પીવી સિન્ધુએ સોશ્યલ મીડિયા પર પોતાનો એક ડાન્સ વીડિયો શેર કર્યો હતો, જે ખુબ વાયરલ થઇ રહ્યો છે.
વાયરલ થયો ડાન્સ વીડિયો -
બેડમિન્ટન ખેલાડી પીવી સિન્ધુએ ઇન્સ્ટાગ્રામ પર સીકેના સૉન્ગ 'Love Nwantiti' પર એક ઇન્સ્ટાગ્રામ રીલ્સ બનાવી હતી. જેને શેર કરવાની સાથે જ આ વીડિયો ઝડપથી વાયરલ થઇ રહ્યો છે. આ વીડિયોમાં પીવી સિન્ધુ ગ્રીન કલરના કાંજીવરમ લેંઘો પહેરેલી દેખાઇ રહી છે. વીડિયોમાં તેના બેસ્ટ ડાન્સ મૂવ્સ સોશ્યલ મીડિયા પર લોકો દિવાના બનાવી રહ્યાં છે.
સોશ્યલ મીડિયા પર મચાવી ધૂમ-
હાલ આ ડાન્સ વીડિયો પીવી સિન્ધુએ પોતાની દિવાળી પૉસ્ટની એક સીરીઝ તરીકે શેર કર્યો હતો. ઇન્સ્ટાગ્રામ પર પૉસ્ટ કરાયાના એક દિવસની અંદર જ આ વીડિયોને લાખોમાં વ્યૂઝ મળી ચૂક્યા હતા. વળી, ખુબ મોટી સંખ્યામાં યૂઝર્સ પીવી સિન્ધુના ઝાન્સ ડાન્સ વીડિયોની પ્રસંશા કરી રહ્યાં છે.કેટલાય યૂઝર્સ તેના પ્રેમભર્યા ડાન્સ મૂવ્સના દિવાના પણ થયા છે.તે આ વીડિયો પર લવ રિએક્ટ કરી રહ્યાં છે.
પદ્મ ભૂષણથી સન્માનિત થઇ પીવી સિન્ધુ
ઉલ્લેખનીય છે કે નવી દિલ્હીના રાષ્ટ્રપતિ ભવનમાં થયેલા એક સમારોહમાં સોમવારે રાષ્ટ્રપતિ રામ નાથ કોવિંદે પીવી સિન્ધુને પદ્મ ભૂષણથી સન્માનિત કરી. પદ્મ ભૂષણ પુરસ્કાર પ્રાપ્ત કર્યા બાદ પીવી સિન્ધુએ કહ્યું- આ મારા માટે ગર્વની ક્ષણ છે. આ પુરસ્કાર માટે હું ભારત સરકાર, તમામ મંત્રીઓ અને રાષ્ટ્રપતિ મહોદયની બહુજ આભારી છું. હું બહુજ ખુશ છુ, આવનારા ભવિષ્યમાં વધુ સારુ કરવા માટે આ પ્રકારના પુરસ્કાર આપણને પ્રોત્સાહિત, સમર્થન અને પ્રેરણા આપે છે.