સુરતઃ યુવતીઓ માટે ચેતવણી સમાન ઘટના, દુપટ્ટો બાઇકમાં આવી ગયો ને કલ્પના ના કરી હોય તેવી ઘટના બની ગઇ

સુરતઃ સુરતના સચિન વિસ્તારમાં આવેલી જીઆઈડીસી પાસે મુલ્લા ડાઈંગ મીલ નજીક બાઈક પર જતી યુવતીના ડ્રેસનો દુપટ્ટો બાઈકમાં આવી જતાં બાઈક સ્લીપ થઈ ગયું હતું. બાઇક સ્લિપ થઇ જતાં ટેન્કરના વ્હીલ નીચે આવી જતાં યુવતીનું ઘટનાસ્થળે જ કમકમાટીભર્યું મોત થયું હતું. બાઇક પર યુવતી સાથે યુવક પણ સવાર હતો.

આ અકસ્માતમાં બાઈકચાલક યુવક અને રિક્ષા ચાલકને ઈજાઓ પહોંચતા સારવાર માટે સિવિલ હોસ્પિટલ ખસેડાયા હતાં. યુવક અને યુવતી બાઈક (જીજે 05 એચએચ 3510) પર જઇ રહ્યા હતા ત્યારે યુવતીના ડ્રેસનો દુપટ્ટો ટાયરમાં આવી ગયો હતો. જેથી બાઈક સ્લીપ થઈ ગઈ હતી. જેને કારણે પાછળ આવી રહેલું ટેન્કરે યુવતીને કચડી જેતાં તેનું ઘટનાસ્થળે જ મોત થયું હતું. ટેન્કર સાથે પાછળ આવતી રિક્ષા પણ અથડાઈ હતી.

બાઈક સવાર યુવક અને રિક્ષા ડ્રાઈવરને ગંભીર ઈજાઓ પહોંચી હતી. જેથી તાત્કાલિક 108 એમ્બ્યુલન્સ મારફતે સિવિલ હોસ્પિટલમાં સારવાર માટે ખસેડવામાં આવ્યાં છે.