કરોડો Android યુઝર્સ માટે એક નવું Fake Call મેલવેર મોટો ખતરો બનવા જઈ રહ્યું છે. આ ખતરનાક મેલવેર સ્માર્ટફોન યુઝર્સના ફોનમાંથી બેંકિંગ ડિટેલ્સની ચોરી કરે છે અને માહિતી હેકર્સ સુધી પહોંચાડે છે. એટલું જ નહીં, સ્માર્ટફોન યુઝર્સના ફોન પર આવતા બેંકિંગ કૉલ્સને હેકર્સ પાસે રીડાયરેક્ટ કરી દે છે. FakeCall નામનું આ મેલવેર ઓનલાઈન બેંકિંગ સર્વિસ વાપરનારાઓ માટે મોટો ખતરો સાબિત થઈ રહ્યું છે.
FakeCall મેલવેરને સૌ પ્રથમ Kaspersky એ વર્ષ 2022માં શોધ્યું હતું. હવે તેનું નવું વર્ઝન કરોડો Android યુઝર્સ માટે મોટો ખતરો બની ગયું છે. રિપોર્ટ મુજબ, આ મેલવેરને અપગ્રેડ કરવામાં આવ્યું છે. તેના દ્વારા હેકર્સ દૂરથી જ લોકોના સ્માર્ટફોનને ઓવરટેક કરી શકે છે. સાયબર સિક્યોરિટી કંપની Zimperium એ આ મેલવેરના અપગ્રેડેડ વર્ઝનની જાણકારી આપી છે. રિપોર્ટ મુજબ, આ મેલવેર Vishing નો ઉપયોગ કરી રહ્યું છે, જેને વૉઇસ ફિશિંગ કહેવાય છે. તેના દ્વારા યુઝર્સને ફ્રોડ બેંકિંગ કૉલ કે વૉઇસ મેસેજ દ્વારા ટાર્ગેટ કરવામાં આવે છે.
આ રીતે બનાવે છે નિશાનો
જોકે, હેકર્સ આ ફોનને કોઈપણ Android સ્માર્ટફોનમાં APK ફાઇલની મદદથી મોકલે છે. જેવો જ યુઝર પોતાના ફોનમાં APK નો ઉપયોગ કરીને કોઈ એપ ઇન્સ્ટૉલ કરે છે, આ FakeCall મેલવેર ફોનમાં ડિફૉલ્ટ ડાયલર એપ સેટ કરવા માટે કહે છે અને પછી ઘણા પ્રકારની પરમિશન માંગે છે. યુઝર્સ જાણતા અજાણતા તેને ઘણા પ્રકારની પરમિશન આપી દે છે, જેના કારણે ફોન પર આવતા કૉલ્સ અને ડાયલ કરવામાં આવતા કૉલ્સની માહિતી હેકર્સને મળતી રહે છે.
આ મેલવેરનો પત્તો સહેલાઈથી ન લાગે તે માટે તે Fake UI એટલે કે યુઝર ઇન્ટરફેસનો પણ ઉપયોગ કરે છે. આ મેલવેર થર્ડ પાર્ટી એપ્સ અને ફેક ડાઉનલોડ પ્લેટફૉર્મ પર રહે છે. જેવો જ કોઈપણ યુઝર કોઈ અજાણ્યા સોર્સ કે APK દ્વારા પોતાના ફોનમાં કોઈ એપ ઇન્સ્ટૉલ કરે છે. આ મેલવેર ફોનમાં એન્ટર કરી જાય છે અને ફોનનો એક્સેસ લઈ લે છે.
કેવી રીતે બચવું?
આ પ્રકારના મેલવેરને તમારા ફોનમાં એન્ટ્રી ન આપવા માટે તમારે એ ધ્યાન રાખવું પડશે કે તમે ફોનમાં કોઈપણ એપ ગૂગલ પ્લે સ્ટોરથી જ ડાઉનલોડ કરો.
કોઈપણ થર્ડ પાર્ટી એપ સ્ટોર કે વેબસાઇટથી એપ ડાઉનલોડ ન કરો.
APK ફાઇલ દ્વારા કોઈપણ એપને તમારા ફોનમાં ઇન્સ્ટૉલ ન કરો.
કોઈપણ એપને ઇન્સ્ટૉલ કરતી વખતે તમે બિનજરૂરી કોઈપણ પરમિશન ન આપો. આવું કરવાથી એપને ફોનના કેમેરા અને માઇક્રોફોન વગેરેનો એક્સેસ મળી જાય છે.
આ પણ વાંચોઃ