Asus ROG Phone 8 Series: CES ઈવેન્ટ એટલે કે કન્ઝ્યૂમર ઈલેક્ટ્રોનિક્સ શૉનું આયોજન નવા વર્ષે 9મી જાન્યુઆરીએ થવાનું છે. આ ઇવેન્ટમાં Asus તેની આગામી Rog 8 સીરીઝ લૉન્ચ કરશે, જેમાં કંપની Qualcomm ની લેટેસ્ટ ચિપ આપશે. તેનો અર્થ એ કે તમને 8 સીરીઝમાં Snapdragon 8th Gen 3 SOC નો સપોર્ટ મળશે. લૉન્ચ પહેલા Asus Rog 8 સીરીઝના સ્પેક્સ લીક કરવામાં આવ્યા છે. આ સીરીઝ અંતર્ગત કંપની Asus Rog 8 અને Asus Rog 8 Pro સ્માર્ટફોન લૉન્ચ કરશે. બંને ફોનમાં 6.78 ઇંચની ફૂલ એચડી પ્લસ AMOLED ડિસ્પ્લે હશે જે 120Hz ના રિફ્રેશ રેટને સપોર્ટ કરશે.
ડિઝાઇન કેવી હશે ?
વિન્ડોઝ રિપોર્ટ અનુસાર, નવી સીરીઝ બૉક્સી ડિઝાઇન, પંચ હૉલ ડિસ્પ્લે અને મિનિમલ બેઝલ્સ સાથે આવશે, જેમ કે 7 સીરીઝમાં જોવા મળે છે. એટલે કે કંપનીએ ડિઝાઇનમાં કોઈ ખાસ ફેરફાર કર્યો નથી. કેમેરા સેટઅપ અને RGB લાઇટ સ્માર્ટફોનની પાછળની બાજુએ વર્ટિકલ સ્વરૂપમાં ઉપલબ્ધ હશે. કંપનીનો લોગો પણ હશે.
સ્પેક્સમાં આ તમામ વસ્તુઓ મળી શકે છે
ગેજેટ્સ 360ના રિપોર્ટ અનુસાર, Asus Rog 8 સીરીઝમાં તમને Android 14, ROG UI, 120 હર્ટ્ઝના રિફ્રેશ રેટ સાથે 6.78 ઇંચની ડિસ્પ્લે મળશે. સ્ક્રીનની સુરક્ષા માટે કૉર્નિંગ ગોરિલ્લા ગ્લાસ વિક્ટસ 2 નું પ્રૉટેક્શન ઉપલબ્ધ હશે. જો લીક્સ પર વિશ્વાસ કરવામાં આવે તો Asus Rog 8 Pro 165Hz રિફ્રેશ રેટ અને HDR10 સપોર્ટ મેળવી શકે છે. Snapdragon 8th Gen 3 SOC બંને ફોનમાં સપોર્ટ કરી શકાય છે.
કંપની બેઝ મૉડલને 12/256GBમાં લૉન્ચ કરી શકે છે જ્યારે પ્રૉ મૉડલને 512GB સ્ટૉરેજ અને 1TB સાથે 16GB અને 24GB રેમમાં લોન્ચ કરી શકાય છે. રિપોર્ટમાં એમ પણ કહેવામાં આવ્યું છે કે Asus Rog 8 Proમાં ત્રિપલ કેમેરા સેટઅપ હશે જેમાં 50MP Sony IMX890 સેન્સર, 13MP અલ્ટ્રાવાઇડ સેન્સર અને 3x ઓપ્ટિકલ ઝૂમ સાથે 32MP ટેલિફોટો લેન્સ હશે. સેલ્ફી અને વીડિયો કૉલિંગ માટે ફ્રન્ટમાં 32MP કૅમેરો મળી શકે છે.
આ ઉપરાંત OnePlus 12 અને 12R સહિત અન્ય ઘણા ફોન જાન્યુઆરીમાં લૉન્ચ થશે. આ વખતે OnePlus 12 માં પણ તમને Snapdragon 8 Gen 3 SOC નો સપોર્ટ મળશે.