5G Checking: તમારો ફોન 5G નેટવર્કને સપોર્ટ કરે છે કે નહીં, આ રીતે કરી જુઓ ચેક.......

ભારતમાં ટેલિકૉમ કંપનીઓ હવે બહુ જલદી 5G સર્વિસ લઇને આવવાની તૈયારીમાં લાગી છે. ટેલિકૉમ ઓપરેટર Jio, Airtel અને Vi આ કડીમાં સૌથી આગળ છે.

5G launch in India: ભારતમાં ટેલિકૉમ કંપનીઓ હવે બહુ જલદી 5G સર્વિસ લઇને આવવાની તૈયારીમાં લાગી છે. ટેલિકૉમ ઓપરેટર Jio, Airtel અને Vi આ કડીમાં સૌથી આગળ છે. કેટલાક રિપોર્ટ અનુસાર, જાણવા મળે છે કે, Jio અને Airtel આ મહિનાની શરૂઆતમાં જ પોતાની 5G સર્વિસ શરૂ કરી શકે છે. જ્યારે કેટલાક રિપોર્ટ એવા છે કે, આ કંપનીઓ આ વર્ષના અંત સુધીમાં 5G સર્વિસને ચાલુ કરી શકે છે. જોકે, ગમે તે હોય પરંતુ એ નક્કી છે કે, હવે ટુક સમયમાં 5G સર્વિસ દેશમાં શરૂ થઇ રહી છે, પીએમ નરેન્દ્ર મોદી પણ કહી ચૂક્યા છે કે 5G સર્વિસ જલદી આવી રહી છે અને 4G સર્વિસની સરખામણીમાં આની ઇન્ટરનેટ સ્પીડ 10X હશે. 

ખાસ વાત છે કે જો ભારતમાં 5G સર્વિસ આવી રહી છો, તે આપણે પણ તૈયાર થઇ જવુ જોઇએ, કે આપણો ફોન 5G સર્વિસને સપોર્ટ કરશે કે નહીં, કે પછી 5G સર્વિસને અનુકુળ ફોન છે કે નહીં ? કેમ કે 5G સર્વિસમાં તમને 10X સ્પીડનો અનુભવ થશે. જો તમારો ફોન સપોર્ટ નહીં કરતો હોય તો નવો ફોન પણ ખરીદવો પડી શકે છે. આ માટે અમે તમને અહીં એક એવી રીત બતાવી રહ્યાં છીએ જેના દ્વારા તમે જાણી શકો છો કે તમારો ફોન 5Gને સપોર્ટ કરે છે કે નહીં........... જાણો.... 

કઇ રીતે ચેક કરશો તમારો ફોન 5G નેટવર્કને સપોર્ટ કરે છે કે નહીં ?

Step 1: પોતાના Android ફોન પર, સેટિંગમાં જાઓ. 

Step 2: 'વાઇ-ફાઇ અને નેટવર્ક' ઓપ્શન પર ક્લિક કરો. 

Step 3: હવે 'સિમ અને નેટવર્ક' ઓપ્શન પર ક્લિક કરો. 

Step 4: હવે તમે ‘Preferred network type’ ઓપ્શન અંતર્ગત તમામ ટેકનોલૉજીનુ લિસ્ટ જોઇ શકશો. 

Step 5: જો તમારો ફોન 5Gને સપોર્ટ કરે છે, તો તેને 2G/3G/4G/5G તરીકે લિસ્ટ કરવામાં આવશે. 

5G Mobile Services Launch: દેશમાં જલદી લોન્ચ થશે 5G મોબાઇલ સર્વિસ, સરકારે ટેલિકોમ કંપનીઓને તૈયાર રહેવા કહ્યુ -

5G Services Launch: સરકારે ટેલિકોમ કંપનીઓને 5G મોબાઇલ સેવાઓ શરૂ કરવા માટે તૈયાર રહેવા કહ્યું છે. જે બાદ દેશમાં 5G મોબાઈલ સર્વિસની વહેલી શરૂઆત માટેનો રસ્તો સાફ થઈ ગયો છે. 5G સ્પેક્ટ્રમની હરાજીમાં સ્પેક્ટ્રમ મેળવનાર કંપનીઓને સ્પેક્ટ્રમ અસાઇનમેન્ટ આપવામાં આવ્યા છે. ટેલિકોમ મંત્રી અશ્વિની વૈષ્ણવે આ જાણકારી આપી છે. તેમણે ટ્વીટ કરીને ટેલિકોમ સર્વિસ કંપનીઓને 5જી મોબાઈલ સેવા શરૂ કરવાની તૈયારી કરવા વિનંતી કરી છે.

 

આ પણ વાંચો.......