Motorola Edge 50 Fusion: મોટોરોલાએ ભારતમાં પોતાનો નવો સ્માર્ટફોન Motorola Edge 50 Fusion લોન્ચ કર્યો છે. આ કંપનીનો નવો મિડ-રેન્જ બજેટ ફોન છે, જે pOLED કર્વ્ડ ડિસ્પ્લે સાથે આવે છે. આ સ્માર્ટફોન Snapdragon 7s Gen 2 પ્રોસેસર પર કામ કરે છે. તેમાં 12GB રેમ સુધીનો વિકલ્પ છે.
5000mAh બેટરી આપવામાં આવી
હેન્ડસેટ 50MP મેઈન રીઅર કેમેરા સેટઅપ સાથે આવે છે. ડિવાઈસને પાવર આપવા માટે 5000mAh બેટરી આપવામાં આવી છે. જો તમે 25,000 રૂપિયા સુધીના બજેટમાં પાવરફુલ ફોન શોધી રહ્યા છો, તો આ એક સારો વિકલ્પ બની શકે છે. ચાલો જાણીએ તેની ખાસ વાતો.
8GB RAM + 128GB સ્ટોરેજ વેરિઅન્ટની કિંમત 22,999 રૂપિયા
Motorola Edge 50 Fusion ને કંપનીએ તેને બે કન્ફિગરેશનમાં લોન્ચ કર્યો છે. તેના 8GB RAM + 128GB સ્ટોરેજ વેરિઅન્ટની કિંમત 22,999 રૂપિયા છે. જ્યારે તેના 12GB RAM + 256GB સ્ટોરેજ વેરિઅન્ટની કિંમત 24,999 રૂપિયા છે. આ ફોન 22 મેથી ફ્લિપકાર્ટ અને મોટોરોલાની સત્તાવાર વેબસાઇટ પર વેચાણ માટે ઉપલબ્ધ થશે.
આ સ્માર્ટફોન પર તમને શાનદાર ડિસ્કાઉન્ટ પણ મળી રહ્યું છે. ફોનને 2000 રૂપિયાના ઇન્સ્ટન્ટ ડિસ્કાઉન્ટ પર ખરીદી શકાય છે. આ ઓફર ICICI બેંક ક્રેડિટ કાર્ડ અને EMI વિકલ્પ પર ઉપલબ્ધ છે. આ સ્માર્ટફોન ત્રણ રંગ વિકલ્પોમાં આવે છે - ફોરેસ્ટ બ્લુ, માર્શમેલો બ્લુ અને હોટ પિંક.
Motorola Edge 50 Fusion પાસે 6.7-inch FHD+ pOLED ડિસ્પ્લે છે. સ્ક્રીન 144Hz રિફ્રેશ રેટ અને કોર્નિંગ ગોરિલ્લા ગ્લાસ 5 પ્રોટેક્શન સાથે આવે છે. તેમાં Qualcomm Snapdragon 7s Gen 2 પ્રોસેસર છે. ઉપકરણ 8GB RAM અને 12GB RAM વિકલ્પોમાં આવે છે.
50MP મુખ્ય લેન્સ સાથે ડ્યુઅલ રીઅર કેમેરા સેટઅપ
ફોનમાં 256GB સુધીનો સ્ટોરેજ વિકલ્પ છે. ઉપકરણ એન્ડ્રોઇડ 14 પર કામ કરે છે. તેમાં 50MP મુખ્ય લેન્સ સાથે ડ્યુઅલ રીઅર કેમેરા સેટઅપ છે. તેનો સેકન્ડરી લેન્સ 13MPનો છે. ફ્રન્ટમાં, કંપનીએ 32MP સેલ્ફી કેમેરા આપ્યો છે. સ્માર્ટફોનને ચાર્જ કરવા માટે USB Type-C પોર્ટ ઉપલબ્ધ છે. આ ઉપકરણ ઇન-ડિસ્પ્લે ફિંગરપ્રિન્ટ સેન્સર સાથે આવે છે. હેન્ડસેટને પાવર આપવા માટે, 5000mAh બેટરી આપવામાં આવી છે, જે 68W ચાર્જિંગ સપોર્ટ સાથે આવે છે.