Vivo એ ભારતમાં લોન્ચ કર્યો 7050mAh બેટરીવાળો શાનદાર ફોન, મળશે 50MP ડ્યુઅલ કેમેરા
કંપનીએ આ શ્રેણીમાં Vivo T5 Lite 5G, Vivo T5 Pro 5G, Vivo T5x 5G અને Vivo T5e પહેલાથી જ લોન્ચ કરી દીધા છે.
- Vivo T5 7050mAh બેટરી, 50MP કેમેરા સાથે ભારતમાં લોન્ચ.
- ફોન ₹34,999 પ્રારંભિક કિંમત, ચાર વેરિઅન્ટમાં ઉપલબ્ધ છે.
- 9 સપ્ટેમ્બરે Flipkart પર વેચાણ શરૂ, ડિસ્કાઉન્ટ મળશે.
- 6.83-ઇંચ AMOLED ડિસ્પ્લે, Dimensity 7500 Turbo પ્રોસેસર ધરાવે છે.
Vivo એ ભારતમાં બીજો એક શક્તિશાળી મધ્યમ બજેટ સ્માર્ટફોન લોન્ચ કર્યો છે. આ ફોન T5 શ્રેણીનો ભાગ છે. કંપનીએ આ શ્રેણીમાં Vivo T5 Lite 5G, Vivo T5 Pro 5G, Vivo T5x 5G અને Vivo T5e પહેલાથી જ લોન્ચ કરી દીધા છે. હવે કંપનીએ આ શ્રેણીનું સ્ટાન્ડર્ડ મોડેલ, Vivo T5 લોન્ચ કર્યું છે. આ ફોનમાં 7050mAh બેટરી અને 50MP AI ડ્યુઅલ કેમેરા છે.
આ સ્માર્ટફોનની કિંમત શું છે?
આ Vivo ફોન ચાર સ્ટોરેજ વેરિઅન્ટમાં આવે છે: 6GB RAM + 128GB, 8GB RAM + 128GB, 8GB RAM + 256GB, અને 12GB RAM + 256GB. તેની શરૂઆતની કિંમત ₹34,999 છે. અન્ય ત્રણ વેરિઅન્ટની કિંમત અનુક્રમે ₹39,999, ₹44,999 અને ₹49,999 છે. ફોન બે રંગ વિકલ્પોમાં આવે છે: રોયલ બ્રોન્ઝ અને સિલ્વર ગ્રીન.
6GB RAM + 128GB - 34,999 રુપિયા
8GB RAM + 128GB - 39,999 રુપિયા
8GB RAM + 256GB - 44,999 રુપિયા
12GB RAM + 256GB -49,999 રુપિયા
Vivo T5 5G નો પહેલો સેલ 9 સપ્ટેમ્બરના રોજ બપોરે 12 વાગ્યે ઈ-કોમર્સ વેબસાઇટ Flipkart પર યોજાશે. ફોનની ખરીદી પર ₹4,000 સુધીનું ડિસ્કાઉન્ટ આપવામાં આવશે. આ ફોનના લોન્ચિંગ પહેલા, કંપનીએ આ શ્રેણીમાં Vivo T5x ની કિંમતમાં ફરી એકવાર ₹4,000નો વધારો કર્યો છે.
આ પણ વાંચો- Layoffs: ટેક સેક્ટરમાં ફરી છટણીનો મોટો ઝટકો, Oracleમાં 3,000 નોકરીયો સંકટમાં, જાણો કારણ
Vivo T5 5G ફીચર્સ
આ નવા લોન્ચ થયેલા Vivo ફોનમાં 6.83-ઇંચ 1.5K 3D કર્વ્ડ AMOLED ડિસ્પ્લે છે. ડિસ્પ્લે 144Hz રિફ્રેશ રેટ અને 2000 nits સુધીની પીક બ્રાઇટનેસને સપોર્ટ કરે છે. આ સ્માર્ટફોન ઇન-ડિસ્પ્લે ફિંગરપ્રિન્ટ સેન્સર, IP68 અને IP69 રેટિંગથી સજ્જ છે. Vivo એ આ મિડ-બજેટ ફોનમાં MediaTek Dimensity 7500 Turbo ચિપસેટનો ઉપયોગ કર્યો છે. તે 12GB LPDDR4x RAM અને 256GB UFS 3.1 સ્ટોરેજ દ્વારા સપોર્ટેડ હશે.
કંપનીએ Vivo T5 માં ડ્યુઅલ કેમેરા સેટઅપ આપ્યો છે. ફોનમાં 50MP મુખ્ય OIS કેમેરા હશે. તેની સાથે 8MP સેકન્ડરી કેમેરા આપવામાં આવ્યો છે. સેલ્ફી અને વીડિયો કોલિંગ માટે 32MP કેમેરા ઉપલબ્ધ હશે. આ સ્માર્ટફોનમાં 7050mAh ની મોટી બેટરી છે. તેમાં 44W વાયર્ડ ફાસ્ટ ચાર્જિંગ માટે પણ સપોર્ટ હશે. આ ફોન એન્ડ્રોઇડ 16 પર આધારિત OriginOS 6 પર કામ કરે છે. કનેક્ટિવિટી માટે, WiFi, NFC, Bluetooth, USB Type C જેવા ફીચર્સ ઉપલબ્ધ થશે.
ટોપ સ્ટોરી
ટ્રેન્ડિંગ સમાચાર
