Realme 16 5G ભારતમાં લોન્ચ થઈ ગઈ છે. મુખ્ય ખાસિયતોની વાત કરીએ તો આ ફોન MediaTek પ્રોસેસર, AMOLED ડિસ્પ્લે, 4200 નિટ્સ પીક બ્રાઇટનેસ, 7000mAh ની મોટી બેટરી અને 50 મેગાપિક્સલ કેમેરા જેવી ખાસિયતો સાથે આવે છે. આવો જાણીએ કે Selfie Mirror ફીચર ધરાવતા આ ફોન માટે કેટલા પૈસા ખર્ચવા પડશે.
Realme 16 5G Price in India
આ હેન્ડસેટના 8GB RAM અને 128GB સ્ટોરેજ વેરિઅન્ટની કિંમત ₹31,999 છે, 8GB RAM અને 256GB સ્ટોરેજ વેરિઅન્ટ ₹33,999માં મળશે, જ્યારે 12GB RAM અને 256GB સ્ટોરેજ વેરિઅન્ટની કિંમત ₹36,999 છે. આ ફોન Air Black અને Air White કલરમાં ઉપલબ્ધ છે. ઉપલબ્ધતા મુજબ, આ ફોનની વેચાણ 5 એપ્રિલથી Flipkart અને Realme ની સત્તાવાર સાઇટ પર શરૂ થશે.
લૉન્ચ ઓફર્સ મુજબ, ગ્રાહકોને 12 મહિના સુધી No Cost EMI નો લાભ મળશે. ઉપરાંત ₹2,000 નો બેન્ક કાર્ડ ડિસ્કાઉન્ટ અને ₹6,000 સુધીનો એક્સચેન્જ બોનસ પણ મળશે. આ ફોન Nothing Phone 4a, Motorola Edge 70 Fusion, POCO X8 Pro અને Google Pixel 9A જેવા મોડલ્સને ટક્કર આપે છે.Realme 16 5G Specifications
સ્ક્રીન: ફોનમાં 6.57 ઇંચનું Full HD+ AMOLED ડિસ્પ્લે છે, જે 120Hz રિફ્રેશ રેટ, 3000Hz ઇન્સ્ટન્ટ ટચ સેમ્પલિંગ રેટ અને 4200 નિટ્સ પીક બ્રાઇટનેસ આપે છે.
ચિપસેટ: ઝડપી કામગીરી અને મલ્ટીટાસ્કિંગ માટે MediaTek Dimensity 6400 Turbo પ્રોસેસર આપવામાં આવ્યું છે. તેમાં 6050mm² હીટ ડિસિપેશન એરિયા સાથેનું વેપર ચેમ્બર કૂલિંગ સિસ્ટમ છે. આ ફોન IP69 રેટિંગ સાથે આવે છે, જે તેને ડસ્ટ અને વોટર રેઝિસ્ટન્ટ બનાવે છે.
કેમેરા: પાછળની તરફ ડ્યુઅલ કેમેરા સેટઅપ છે, જેમાં 50 મેગાપિક્સલ વાઇડ-એંગલ સેન્સર (ઓટોફોકસ સાથે) અને 2 મેગાપિક્સલ મોનોક્રોમ સેન્સર છે. રિયર કેમેરા પાસે એક નાનું મિરર આપવામાં આવ્યું છે જેને Realme "Selfie Mirror" કહે છે, જેના દ્વારા યુઝર્સ રિયર કેમેરાથી સેલ્ફી લઈ શકે છે. આગળની તરફ 50 મેગાપિક્સલનો સેલ્ફી કેમેરા આપવામાં આવ્યો છે.
બેટરી: 7000mAh ની મોટી બેટરી છે, જે 60W વાયર્ડ ફાસ્ટ ચાર્જિંગ અને રિવર્સ ચાર્જિંગ સપોર્ટ કરે છે.
ઓપરેટિંગ સિસ્ટમ: આ ડ્યુઅલ સિમ ફોન Android 16 આધારિત Realme UI 7.0 પર ચાલે છે. કંપની 4 વર્ષ સુધી સિક્યુરિટી અપડેટ્સ અને 3 Android OS અપગ્રેડ આપશે.