iPhone 15 Scam : ટેક દિગ્ગજ એપલે તાજેતરમાં જ દુનિયાભરમાં પોતાના નવા હેન્ડસેટ આઇફોન 15 સીરીઝને લૉન્ચ કરી છે. હવે આ સીરીઝના આઇફોન પાછળ યૂઝર્સ ગાંડા થયા છે, અને ખરીદવા માટે કંઇપણ કરી રહ્યાં છે. ખાસ વાત છે કે, 12 સપ્ટેમ્બરે જ Appleએ iPhone 15, iPhone 15 Plus, iPhone 15 Pro અને iPhone 15 Pro Max લૉન્ચ કર્યા હતા, આ ત્રણેય ફોન વેચાણ માટે ઉપલબ્ધ છે, પરંતુ તેના માટે લાંબો સમય રાહ જોવી પડી રહી છે. આવી સ્થિતિમાં સાયબર ઠગ આનો ફાયદો ઉઠાવવાનો પ્રયાસ કરી રહ્યા છે.
હવે આઇફોન ખરીદનારાઓને સાયબર ઠગબાજો નિશાન બનાવી રહ્યાં છે. અત્યારે સોશ્યલ મીડિયા પર ઠગબાજોઓ એક મેસેજ ખૂબ જ વાયરલ કર્યો છે, જેમાં તેઓએ દાવો કર્યો છે કે ભારતીય પૉસ્ટ ઓફિસ નવરાત્રિના અવસર પર લકી ડ્રૉમાં iPhone 15 આપશે અને આ લકી ડ્રૉમાં સામેલ થવા માટે યૂઝર્સે ફક્ત WhatsAppનો ઉપયોગ કરવો પડશે. પરંતુ તમે કેટલાક ગ્રુપ બનાવીને 20 લોકોને મેસેજ કરવા પડશે. જો તમને પણ આવો મેસેજ મળ્યો હોય તો તમારે સાવધાન રહેવું જોઈએ.
ઇન્ડિયન પૉસ્ટ ઓફિસે મેસેજ પર આપી પ્રતિક્રિયા
સંદેશાવ્યવહાર મંત્રાલય હેઠળના પૉસ્ટ વિભાગે X પ્લેટફોર્મ પર તેના ઓફિશિયલ એકાઉન્ટ દ્વારા યૂઝર્સને કૌભાંડ વિશે જાણ કરી છે. એક ફિશિંગ મેસેજ ખોટો દાવો કરે છે કે ઇન્ડિયા પૉસ્ટ નસીબદાર વિજેતાઓને નવો iPhone 15 આપી રહી છે.
ઈન્ડિયા પૉસ્ટે ટ્વિટ કરીને કહ્યું છે કે, "કૃપા કરીને સાવચેત રહો! ઈન્ડિયા પૉસ્ટ કોઈપણ બિનસત્તાવાર પૉર્ટલ અથવા લિંક દ્વારા કોઈપણ પ્રકારની ભેટ આપતી નથી. ઈન્ડિયા પૉસ્ટ સંબંધિત કોઈપણ માહિતી માટે, કૃપા કરીને ઓફિશિયલ વેબસાઈટની મુલાકાત લો.. Indiapost.gov .in પર જાઓ. "
ભારતીય પૉસ્ટ ઓફિસે તેની એડવાઈઝરીમાં વાયરલ મેસેજનો સ્ક્રીનશૉટ પણ સામેલ કર્યો છે, જેમાં એવો દાવો કરવામાં આવ્યો છે કે નવરાત્રિ દરમિયાન કોઈ વ્યક્તિને આઈફોન 15 ભેટ તરીકે મળશે. સાથે જ મેસેજમાં સૂચનાઓ આપતી વખતે કહેવામાં આવ્યું છે કે જો આ મેસેજ વૉટ્સએપ પર 5 ગ્રુપ અથવા 20 મિત્રો સાથે શેર કરવામાં આવશે તો તમને એક લિંક મળશે. જેના પર ક્લિક કરવા પર ગિફ્ટનો દાવો કરી શકાય છે.
ભારતીય પૉસ્ટ ઓફિસે આપી ચેતાવણી
ઈન્ડિયા પૉસ્ટે ચેતવણી આપી છે કે આ મેસેજ ફેક છે અને યૂઝર્સને આવા મેસેજ ફૉરવર્ડ ના કરવાની સલાહ આપવામાં આવે છે. આમાં અનધિકૃત લિંક્સ આપવામાં આવી છે, તેના પર ક્લિક કરવાનું ટાળવું જોઈએ.