What is Cloud Laptop or Computer? ટેલિકૉમ સેક્ટરમાં નંબર 1 કંપની બન્યા બાદ હવે રિલાયન્સ જિઓની નજર PC માર્કેટ તરફ છે. Jio એક ક્લાઉડ લેપટોપ લૉન્ચ કરવાની યોજના બનાવી રહ્યું છે જેની કિંમત લગભગ 15,000 રૂપિયા હોઈ શકે છે. જોકે, કંપનીએ હજુ સુધી ક્લાઉડ લેપટોપની કિંમતની ઓફિશિયલ જાહેરાત કરી નથી. પરંતુ કંપનીની પૃષ્ઠભૂમિને જોતા કહેવામાં આવી રહ્યું છે કે તેની કિંમત યૂઝર ફ્રેન્ડલી હશે. ET રિપોર્ટ અનુસાર, રિલાયન્સ જિયો HP, Acer, Lenovo સહિત અન્ય કૉમ્પ્યુટર ઉત્પાદકો સાથે ક્લાઉડ લેપટોપ પર કામ કરી રહી છે.
ઈકોનોમિક ટાઈમ્સના રિપોર્ટ અનુસાર, આ વિષય સાથે જોડાયેલા લોકોએ જણાવ્યું કે, HP Chromebook પર હાલમાં 'ક્લાઉડ લેપટોપ' માટે ટ્રાયલ ચાલી રહી છે. રિલાયન્સ જિઓ માસિક સબસ્ક્રિપ્શનના આધારે લોકોને સસ્તા દરે ક્લાઉડ લેપટોપ આપશે.
આજે આ આર્ટિકલમાં અમે તમને જણાવીશું કે ક્લાઉડ કૉમ્પ્યુટર કે લેપટોપ કેવી રીતે કામ કરે છે અને તે લેપટોપ અને કૉમ્પ્યુટર માર્કેટને કેવી રીતે નુકસાન પહોંચાડે છે.
કઇ રીતે કામ કરે છે ક્લાઉડ કૉમ્પ્યુટર કે લેપટૉપ ?
જે લોકો ગેમિંગ ક્ષેત્ર સાથે સંકળાયેલા છે અથવા ગેમિંગ કરે છે તેઓ ક્લાઉડ શબ્દથી પરિચિત હશે. ક્લાઉડ ગેમિંગમાં શું થાય છે કે ન તો તમારે તમારા સ્માર્ટફોનમાં તે ગેમની એપ ડાઉનલૉડ કરવાની હોય છે અને ન તો તમારે સમયાંતરે એપ અપડેટ કરવાની હોય છે. આ બધા વગર તમે ક્લાઉડ સર્વિસ દ્વારા ગેમ રમી શકો છો અને આ માટે તમારે માત્ર થોડી ફી ચૂકવવી પડશે. ગેમના સર્વર, સ્ટોરેજ વગેરે માટે ગેમિંગ કંપની જવાબદાર છે અને તમે સામાન્ય સ્માર્ટફોન સાથે પણ ઉચ્ચ ગ્રાફિક્સ સાથે ગેમ રમી શકો છો.
ક્લાઉડ કૉમ્પ્યુટર કે લેપટોપ પણ એ જ રીતે કામ કરે છે. શું થાય છે કે આમાં તમારે એક સાદું કૉમ્પ્યુટર અથવા લેપટોપ ખરીદવું પડશે અને તમે આ ગેજેટ્સને લગતી તમામ સર્વિસની જેમ કે વેબ બ્રાઉઝર, ગેમિંગ, ફાઇલ્સ, સૉફ્ટવેર વગેરે ક્લાઉડ સર્વિસ દ્વારા એક્સેસ કરી શકો છો, એટલે કે તમારે તમારા લેપટોપમાં કંઈપણ ઇન્સ્ટૉલ કરવાની જરૂર નથી. તમે ક્લાઉડ સેવાને આભારી દરેક વસ્તુનો ઉપયોગ કરી શકશો.
સામાન્ય લેપટોપમાં તમારે સૉફ્ટવેર ઇન્સ્ટૉલ રાખવું પડશે, ત્યારપછી તમે તેનાથી સંબંધિત કામ કરી શકશો, પરંતુ ક્લાઉડ લેપટોપ સાથે શું થાય છે કે તમે ક્લાઉડ દ્વારા સૉફ્ટવેર એક્સેસ કરો છો અને તમે તેના પર તમારું કામ સેવ પણ કરી શકો છો અને પછી તેને ગમે ત્યાંથી એક્સેસ કરી શકાય છે. ક્લાઉડ કૉમ્પ્યુટર અથવા લેપટોપમાં તમારે વર્તમાનની જેમ મોંઘા લેપટોપ ખરીદવાની જરૂર નથી અને તમે સસ્તા લેપટોપમાં ઘણી વસ્તુઓ કરી શકો છો.
ક્લાઉડ લેપટોપ અથવા કૉમ્પ્યુટરમાં દરેક વસ્તુ ઇન્ટરનેટ આધારિત છે અને તમે હાઇ સ્પીડ ઇન્ટરનેટ દ્વારા સોફ્ટવેર સેવાઓ, ફાઇલો વગેરેને ઍક્સેસ કરી શકો છો.
લેપટૉપ અને કૉમ્પ્યુટર માર્કેટને થશે નુકસાન
ક્લાઉડ લેપટોપ કે કૉમ્પ્યુટર આવવાથી લેપટોપ અને કૉમ્પ્યુટર માર્કેટને નુકસાન થશે. હાલમાં લોકોની જરૂરિયાતો અનુસાર, કંપનીએ વિવિધ પ્રકારના મૉડલ બનાવ્યા છે અને દરેક મૉડેલમાં અલગ-અલગ હાર્ડવેર સ્પેક્સ આપ્યા છે, પરંતુ ક્લાઉડ કૉમ્પ્યુટર કે લેપટોપ આવવાથી આ બધાની જરૂર નહીં રહે અને બેઝિક લેપટોપ પણ આજના હાઈ એન્ડ લેપટોપની જેમ કામ કરશે. એટલે કે ક્લાઉડ લેપટોપ મેમરી, રેમ, ગ્રાફિક્સ કાર્ડ સાથે લેપટોપની જરૂરિયાતોને સરળતાથી પૂરી કરશે. તેનાથી મોટી કંપનીઓને નુકસાન થશે અને ઓછા હાઈ એન્ડ કૉમ્પ્યુટર કે લેપટોપ મૉડલ વેચાશે.