નવી દિલ્હીઃ ઇન્સ્ટન્ટ મેસેજિંગ એપ WhatsAppના ખાસ મલ્ટી ડિવાઇસ સપોર્ટ ફિચર્સનો યૂઝર્સ બેસબ્રીથી ઇન્તજાર કરી રહ્યાં છે. વળી, હવે આ ફિચરને લઇને મોટી જાણકારી સામે આવી છે. બતાવવામાં આવી રહ્યું છે કે ફિચર માટે યૂઝર્સને હજુ ઇન્તજાર કરવો પડી શકે છે. સાથે જ આ પણ જાણવા મળ્યુ છે કે સ્માર્ટફોન ડિવાઇસ પહેલા આ ફિચરને WhatsApp Web દ્વારા લૉન્ચ કરવામાં આવશે.
પહેલા WhatsApp Webમાં આવશે ફિચર-
WhatsAppના લેટેસ્ટ અપડેટ્સ પર નજર રાખનારી WABetaInfoના દ્વારા જાણવા મળ્યુ છે કે આ ફિચરનુ પહેલા બીટા વર્ઝન સૌથી પહેલા WhatsApp Web માટે આવી શકે છે. ત્યારબાદ આ ફિચર યૂઝર્સને સ્માર્ટફોનમાં મળશે. WABetaInfo દ્વારા આના નવા સ્ક્રીનશૉટ પણ શેર કરવામાં આવ્યા છે.
પાંચ ડિવાઇસમાં ચાલી શકશે WhatsApp-
રિપોર્ટનુ માનીએ તો WhatsApp Multi Device Support ફિચર અંતર્ગત ચાર એડિશનલ ડિવાઇસ પર WhatsApp ચલાવી શકાશે, એટલે એકસાથે પાંચ ડિવાઇસ પર એક WhatsApp ચલાવી શકશો. રિપોર્ટમાં એ પણ બતાવવામાં આવ્યુ છે કે આ ફિચરના કારણે શરૂઆતમાં પરફોર્મન્સ અને ક્વૉલિટીને લઇને યૂઝર્સને થોડી પરેશાની થઇ શકે છે, પરંતુ સમયની સાથે આ પણ બરાબરા થઇ જશે. જાણવા મળ્યુ છે કે સ્માર્ટફોન ડિવાઇસ પહેલા આ ફિચરને WhatsApp Web દ્વારા લૉન્ચ કરવામાં આવશે.
વિના ઇન્ટરનેટે થશે કામ-
WABetaInfoના રિપોર્ટમાં સ્પષ્ટ કરવામાં આવ્યુ છે કે ફિચર મલ્ટી-ડિવાઇસ સપોર્ટ ફિચરને યૂઝ કરવા માટે યૂઝર્સને એપનુ લેટેસ્ટ વર્ઝન ડાઉનલૉડ કરવુ પડશે. આ ઉપરાંત ખાસ વાત છે કે લિંક કરવામાં આવેલા એડિશનલ ડિવાઇસ, મેન ડિવાઇસ પર એક્ટિવ ઇન્ટરનેટ કનેક્શન વિના ચાલશે, મતલબ એકવાર બીજા ડિવાઇસ સાથે કનેક્ટ કર્યા બાદ તમે ઇચ્છો તો મેન ડિવાઇસથી ઓફલાઇન હોઇ શકે છે. ઓફલાઇન થયા બાદ પણ એડિશનલ ડિવાઇસીસમાં વૉટ્સએપ ચાલતુ રહેશે. જોકે કંપનીએ આનો ખુલાસો નથી કર્યો કે આ ફિચર ક્યાં સુધી રૉલઆઉટ કરવામાં આવશે.