YouTube News: ગૂગલ પોતાના વીડિયો સ્ટ્રીમિંગ પ્લેટફોર્મ યુટ્યૂબ પર કેટલાક AI ફિચર્સ આપવા જઈ રહ્યું છે. હાલમાં તેઓનું પરીક્ષણ કરવામાં આવી રહ્યું છે અને કેટલાક YouTube પ્રીમિયમ સબ્સ્ક્રાઇબર્સ માટે ઉપલબ્ધ છે. ખરેખર, કંપની ક્રિએટર્સ અને વ્યૂઅર્સ માટે એપમાં 2 ફિચર્સ ઉમેરવા જઈ રહી છે. એક ચેટબૉટ છે અને બીજો કૉમેન્ટ ઓર્ગેનાઈઝર છે. જ્યારે તમે ચેટબૉટની મદદથી કોઈ વીડિયો જુઓ છો, ત્યારે તે તમને તે જ વિષય સાથે સંબંધિત અન્ય વીડિયો સૂચવશે. વળી, જો વીડિયો શૈક્ષણિક છે તો તમે ક્વિઝ પણ કરી શકશો. અન્ય ટૂલ્સની મદદથી, ક્રિએટર્સ વીડિયો પરના સબ્જેક્ટ પરની ટિપ્પણીઓ સરળતાથી જોઈ શકશે, એટલે કે આ ટૂલ કૉમેન્ટને વિષય પ્રમાણે ગોઠવશે.
હાલમાં, કંપનીએ આ માહિતી શેર કરી નથી કે આ ટૂલ્સ ફક્ત YouTube પ્રીમિયમ સભ્યો માટે જ ઉપલબ્ધ હશે કે ફ્રી યૂઝર્સને પણ મળશે.
ક્રિએટર્સને થશે ફાયદો
કૉમેન્ટ્સ ઓર્ગેનાઈઝર ટૂલની મદદથી ક્રિએટર્સને એ હકીકતનો ફાયદો થશે કે તેમને બધી કૉમેન્ટ્સ જોવાની જરૂર રહેશે નહીં અને તે તેના દ્વારા સંબંધિત ટિપ્પણીઓને સીધી ફિલ્ટર કરી શકશે. જલદી જ કોઈ ક્રિએટટર્સ તેના વીડિયોની કૉમેન્ટ્સ પર ક્લિક કરે છે, તે ટોચ પર ટૉપિક્સ ઓપ્શન જોશે. અહીં, કૉમેન્ટ્સ વિષય અનુસાર આપમેળે સૂચિબદ્ધ થશે અને ક્રિએટર્સ તેના આધારે નવી સામગ્રી બનાવી શકે છે અથવા અંતિમ યૂઝર્સને સીધો જવાબ આપી શકે છે.
નોંધ, સબ્જેક્ટની અંદર ફક્ત પ્રકાશિત કૉમેન્ટ્સ ગોઠવવામાં આવશે. આવી કૉમેન્ટ્સ જે રિવ્યૂનો ભાગ છે અથવા બ્લૉક શબ્દો છે તેનો આમાં સમાવેશ કરવામાં આવશે નહીં.
YouTube ના નવી કન્વર્ઝેશન AI ટૂલ હેઠળ તમે વીડિયો ટૂલ્સ પર સવાલો પૂછી શકો છો. આ તમને ચેટ GPT જેવા પ્રશ્નોના જવાબો આપશે. ઉપરાંત તે વિષયને લગતી અન્ય વીડિયો પણ મુખ્ય વીડિયોને રોક્યા વિના નીચે તમને રિકમન્ડ કરવામાં આવશે. યૂઝર એક્સપીરિયન્સ બદલવા માટે કંપની આ બંને ફિચર્સ લાવી રહી છે.