OPPO Find N5: Oppo Find N5 તાજેતરમાં ચર્ચામાં છવાયેલો છે. અહેવાલો અનુસાર, આ ઓક્ટોબર 2023 માં લૉન્ચ થયેલા Oppo Find N3 નું આગામી વર્ઝન હોઈ શકે છે. તે બુક-સ્ટાઇલ ફૉલ્ડેબલ સ્માર્ટફોન તરીકે આવવાની અપેક્ષા છે. જોકે ઓપ્પોએ હજુ સુધી સત્તાવાર રીતે તેની પુષ્ટિ કરી નથી, તાજેતરના એક લીકમાં દાવો કરવામાં આવ્યો છે કે ઓપ્પો ફાઇન્ડ N5 વિશ્વનો સૌથી પાતળો ફૉલ્ડેબલ ફોન હોઈ શકે છે.
લૉન્ચિંગની જાણકારી લીક - Weibo પર Smart Pikachu નામના ટિપસ્ટર અનુસાર, ઓપ્પો ફાઇન્ડ N5 ફેબ્રુઆરીમાં ચીનમાં લૉન્ચ થઈ શકે છે. તેનું કૉડનેમ "Haiyan" કહેવાય છે. એવો દાવો કરવામાં આવી રહ્યો છે કે આ ફોન જુલાઈ સુધી કોઈ મોટા હરીફ વિના બજારમાં પ્રભુત્વ ધરાવશે.
સંભવિત ફિચર્સ તેમાં હેસલબ્લેડ-બ્રાન્ડેડ ત્રિપલ રીઅર કેમેરા સેટઅપ હોવાની અપેક્ષા છે, જેમાં પેરિસ્કૉપ લેન્સ શામેલ હોઈ શકે છે. આ ફોન સેટેલાઇટ કૉમ્યૂનિકેશનને પણ સપોર્ટ કરી શકે છે. તેમાં સ્નેપડ્રેગન 8 એલીટ ચિપસેટ અને 6,000mAh ની મોટી બેટરી આપવામાં આવી શકે છે. વધુમાં વાયરલેસ ચાર્જિંગ માટે સપોર્ટ પણ ઉપલબ્ધ થશે. તે Find N3 (11.7mm) કરતા પાતળું હશે. તે નવી અને ટકાઉ ઔદ્યોગિક ડિઝાઇન સાથે આવી શકે છે અને તેને IPX8 પાણી પ્રતિકાર રેટિંગ મળે તેવી શક્યતા છે.
સૌથી પાતળો Foldable Smartphone અન્ય એક ટિપસ્ટર ડિજિટલ ચેટ સ્ટેશન અનુસાર, ફાઇન્ડ N5 વિશ્વનો સૌથી પાતળો ફૉલ્ડેબલ ફોન હશે. તે ટાઇટેનિયમ બોડી સાથે ઓફર કરી શકાય છે. એક જૂના લીકે તેની જાડાઈ લગભગ 9.xmm હોવાનો દાવો કર્યો હતો. ફોન વિશેની અન્ય માહિતી ટૂંક સમયમાં જાહેર થઈ શકે છે. આ સાથે તે ખૂબ જ પાતળો સ્માર્ટફોન હશે. એવું માનવામાં આવે છે કે આ સ્માર્ટફોન પેન કરતા પણ પાતળો હશે. એટલું જ નહીં, આ ફોનમાં ઘણી અદ્યતન સુવિધાઓ પણ જોઈ શકાય છે.
આ પણ વાંચો
Smart Gadgets: ઘરમાં લગાવી દો આ 5 સ્માર્ટ ગેઝેટ્સ, ચોર ઘરમાં ઘૂસતા પણ ડરશે