Redmi 17C 5G Launch: જો તમે ઓછા બજેટમાં એક દમદાર 5G સ્માર્ટફોન શોધી રહ્યા છો, તો તમારા માટે સારા સમાચાર છે. જાણીતી સ્માર્ટફોન કંપની Xiaomi એ બજારમાં પોતાનો નવો સસ્તો ફોન 'Redmi 17C 5G' લોન્ચ કરી દીધો છે. આ બજેટ-ફ્રેન્ડલી ફોનની સૌથી મોટી ખાસિયત એ છે કે તેમાં 6000mAh ની મસમોટી બેટરી અને 50MP નો શાનદાર કેમેરા આપવામાં આવ્યો છે.
ભારત પહેલા સિંગાપોરમાં થઈ એન્ટ્રી
તમને જણાવી દઈએ કે કંપનીએ આ ફોનને ભારત પહેલા સિંગાપોરના માર્કેટમાં લોન્ચ કર્યો છે. જોકે, ભારતીય ચાહકોએ નિરાશ થવાની કોઈ જરૂર નથી, કારણ કે તાજેતરમાં જ આ સ્માર્ટફોન ભારતીય સર્ટિફિકેશન સાઇટ (BIS) પર મોડેલ નંબર 2607FRNEAI સાથે જોવા મળ્યો હતો. આનો સીધો અર્થ એ છે કે ટૂંક સમયમાં જ આ ફોન ભારતમાં પણ દસ્તક દેશે. આ સાથે જ કંપની 'Redmi 17' મોડેલ લોન્ચ કરવાની પણ જોરદાર તૈયારીઓ કરી રહી છે.
જાણો શું છે કિંમત અને કલર ઓપ્શન?
Redmi નો આ નવો 5G ફોન બજારમાં બે સ્ટોરેજ ઓપ્શન સાથે આવે છે - 4GB RAM + 64GB અને 4GB RAM + 128GB. કંપનીએ તેના ટોપ વેરિઅન્ટ (4GB + 128GB) ની કિંમત પણ જાહેર કરી દીધી છે. તે SGD 279 માં લોન્ચ થયો છે, જે ભારતીય ચલણ મુજબ આશરે રૂ. 20,900 જેટલા થાય છે. કલર ઓપ્શનની વાત કરીએ તો, ગ્રાહકોને આ ફોનમાં કાળા (Black), ભૂરા (Blue) અને જાંબલી (Purple) એમ ત્રણ આકર્ષક રંગો મળશે.
ડિસ્પ્લે અને પ્રોસેસર
આ ફોનમાં તમને 6.9-ઇંચની મોટી HD+ ડિસ્પ્લે જોવા મળશે, જે 1600 x 700 પિક્સેલ રિઝોલ્યુશન સાથે આવે છે. સ્મૂથ સ્ક્રોલિંગ અને બહેતર અનુભવ માટે તેમાં 120Hz નો રિફ્રેશ રેટ અને 810 nits સુધીની પીક બ્રાઇટનેસ પણ આપવામાં આવી છે. ફોનના પ્રોસેસરની વાત કરીએ તો, તેમાં MediaTek Dimensity 6300 ચિપસેટનો ઉપયોગ થયો છે, જે સામાન્ય રીતે બજેટ 5G ફોન્સ માટે બેસ્ટ માનવામાં આવે છે.
કેમેરા, ઓપરેટિંગ સિસ્ટમ અને સ્ટોરેજ
ફોનમાં 4GB RAM ની સાથે 128GB સુધીનું ઇન્ટરનલ સ્ટોરેજ મળે છે. સારી વાત એ છે કે તમે માઇક્રોએસડી (microSD) કાર્ડની મદદથી તેની સ્ટોરેજ ક્ષમતા વધારી પણ શકો છો. આ સ્માર્ટફોન લેટેસ્ટ Android 16 પર આધારિત HyperOS 3 ઓપરેટિંગ સિસ્ટમ પર કામ કરે છે. ફોટોગ્રાફી માટે પાછળની બાજુ ડ્યુઅલ કેમેરા સેટઅપ છે, જેમાં 50MP નો મેઈન કેમેરા અને એક સેકન્ડરી કેમેરા સામેલ છે. જ્યારે સેલ્ફી અને વિડીયો કોલિંગ માટે આગળની બાજુ 8MP નો ફ્રન્ટ કેમેરા અપાયો છે.
આ પણ વાંચોઃ હવે આ દેશમાં 16 વર્ષથી નાના બાળકોના સોશિયલ મીડિયા વાપરવા પર લાગશે પ્રતિબંધ, જાણો કેમ
બેટરી અને કનેક્ટિવિટી ફીચર્સની પૂરી યાદી
આ સ્માર્ટફોનમાં આધુનિક AI (આર્ટિફિશિયલ ઇન્ટેલિજન્સ) ના શાનદાર ફીચર્સ પણ આપવામાં આવ્યા છે. ફોનને પાવર આપવા માટે 6000mAh ની પાવરફુલ બેટરી છે જે 33W ફાસ્ટ ચાર્જિંગ (સ્પેસિફિકેશન મુજબ 44W ચાર્જિંગ સપોર્ટ) સાથે આવે છે.
કનેક્ટિવિટી: 5G, 4G, 3G અને 2G નેટવર્ક સપોર્ટ
સિમ: ડ્યુઅલ સિમ કાર્ડ સપોર્ટ
અન્ય ફીચર્સ: WiFi, Bluetooth 5.4, USB Type C પોર્ટ અને NFC
રેટિંગ: ફોનને પાણી અને ધૂળથી સુરક્ષિત રાખવા માટે IP64 રેટિંગ મળેલું છે.