Redmi Buds 6: રેડમીએ તેના નવા ઇયરબડ્સ Redmi Buds 6ને માર્કેટમાં લૉન્ચ કરી દીધા છે. આ ઇયરબડ્સમાં ગ્રાહકોને 42 કલાકનો બેટરી બેકઅપ મળે છે. આ સિવાય આ ઇયરબડ્સનો લૂક પણ એકદમ સ્ટાઇલિશ છે. આ ઇયરબડ્સ અદ્યતન ટેક્નોલોજી અને બેસ્ટ ફેસિલિટીઝ સાથે આવે છે, જેમાં 12.4mm ટાઇટેનિયમ ડ્રાઇવર્સ અને 5.5mm માઇક્રો પીઝૉઇલેક્ટ્રિક સિરામિક ડ્રાઇવર્સનો સમાવેશ થાય છે.
Redmi Buds 6 Specifications
તમારી માહિતી માટે અમે તમને જણાવીએ કે Redmi Buds 6 માં 12.4mm ટાઇટેનિયમ ડ્રાઇવર અને 5.5mm સિરામિક ડ્રાઇવર્સનો ઉપયોગ કરવામાં આવ્યો છે, જે ઉત્તમ અવાજની ગુણવત્તા આપે છે. આ ઇયરબડ્સ 49dB સુધીના અવાજને રદ કરવાની સુવિધા પૂરી પાડે છે, જે બાહ્ય અવાજને ઘટાડે છે. દરેક ઇયરબડ 10 કલાક (ANC વગર)નો બેકઅપ આપે છે અને ચાર્જિંગ કેસ સાથે કુલ બેટરી લાઇફ 42 કલાક સુધી જાય છે. આ ઇયરબડ્સ માત્ર 10 મિનિટ માટે ચાર્જ કરીને 4 કલાક સુધી ટકી શકે છે.
ડિઝાઇન અને વજન
આ ઇયરબડ્સના ચાર્જિંગ કેસનું વજન 43.2 ગ્રામ છે અને તેનું કદ 61.01×51.71×24.80mm છે. ઇયરબડ્સનું વજન માત્ર 5 ગ્રામ છે. Redmi Buds 6 એ પોસાય તેવી કિંમત અને પ્રીમિયમ ફિચર્સ સાથે લૉન્ચ કરવામાં આવ્યું છે. શાનદાર બેટરી લાઇફ, ANC સપૉર્ટ અને ડ્યૂઅલ ડ્રાઇવર સિસ્ટમ તેને બેસ્ટ ઓપ્શન બનાવે છે.
કેટલી છે કિંમત
કિંમતોની વાત કરીએ તો ભારતમાં Redmi Buds 6 ની કિંમત 2,999 રૂપિયા રાખવામાં આવી છે. આને Xiaomiની સત્તાવાર વેબસાઇટ અને Amazon પરથી ખરીદી શકાય છે. કંપનીએ તેને ટાઇટન વ્હાઇટ, આઇવી ગ્રીન અને સ્પેક્ટર બ્લેક જેવા ત્રણ રંગોમાં લૉન્ચ કર્યું છે. ખાસ ઓફર હેઠળ, આ ઇયરબડ્સ 13 ડિસેમ્બરથી 19 ડિસેમ્બરની વચ્ચે માત્ર 2,799 રૂપિયામાં ઉપલબ્ધ થશે.
OnePlus Nord Buds 3 Pro ને આપે છે જોરદાર ટક્કર
Redmi ના આ નવા Earbuds OnePlus Nord Buds 3 Pro સાથે સ્પર્ધા કરે છે. આ ઇયરબડ્સમાં 44 કલાકનો બેટરી બેકઅપ ઉપલબ્ધ છે. આ ઉપરાંત આ ઇયરબડ ફાસ્ટ ચાર્જિંગને પણ સપોર્ટ કરે છે. એટલું જ નહીં આ ઉપકરણને પાણી અને ધૂળથી નુકસાન થતું નથી કારણ કે તેમાં IP 54 રેટિંગ છે. ઈ-કોમર્સ સાઈટ ફ્લિપકાર્ટ પર આ ડિવાઈસની કિંમત 2799 રૂપિયા રાખવામાં આવી છે.
આ પણ વાંચો
Jio vs Airtel vs Vi vs BSNL: આખા વર્ષના રિચાર્જ માટે કોનો કયો પ્લાન છે બેસ્ટ ? જાણી લો