OpenAI Voice Engine Tool: આખી દુનિયામાં આર્ટિફિશિયલ ઈન્ટેલિજન્સ (AI) પર સતત કામ થઈ રહ્યું છે. હવે OpenAI એક એવું ટૂલ લૉન્ચ કરવા જઈ રહ્યું છે, જેના આવ્યા પછી તમે પણ આશ્ચર્યચકિત થઈ જશો. વાસ્તવમાં, OpenAI એક વૉઇસ એન્જિન પર કામ કરી રહ્યું છે, જે તમારો અવાજ સાંભળશે અને તેની કૉપી કરે લેશે.
ઓપનએઆઈનું વૉઈસ એન્જિન ટૂલ એ એઆઈ ટૂલ છે, જે સાંભળ્યા પછી તમારા અવાજની હૂબહૂ કૉપી કરી શકે છે. ઓપનએઆઈએ તેના બ્લોગમાં આ અંગેની માહિતી આપી છે. બ્લોગમાં કહેવામાં આવ્યું છે કે વૉઇસ એન્જિન ટૂલ કોઈપણ ઑડિયો સાંભળી શકે છે અને 15 સેકન્ડની સમાન ઑડિયો ક્લિપ આપી શકે છે.
ફિચરને નથી કરવામાં આવ્યુ પલ્બિક
આ ટૂલમાં નાના ઓડિયોના આધારે જ ક્લૉન વોઈસ જનરેટ કરવાની ક્ષમતા છે. તે ઘણી ભાષાઓમાં કામ કરી શકે છે. સુરક્ષા જોખમને ધ્યાનમાં રાખીને, OpenAI એ હજુ સુધી આ સુવિધાને સાર્વજનિક કરી નથી અને તે માત્ર ટેસ્ટર્સ સુધી મર્યાદિત છે.
બ્લૉગ પૉસ્ટમાં ઓપનએઆઈએ જણાવ્યું કે અમે તાજેતરમાં વોઈસ એન્જીન નામના મૉડલ પર એક નાનું પરીક્ષણ કર્યું છે. આ મોડેલ ટેક્સ્ટ ઇનપુટ અને માનવ અવાજનો ટૂંકો 15-સેકન્ડનો ઓડિયો નમૂના હોઈ શકે છે. માત્ર એક નાના નમૂના સાથે પણ, આ મોડેલ એવા અવાજો બનાવી શકે છે જે ભાવનાત્મક અને વાસ્તવિક લાગે છે.
કઇ રીતે લોકોની કરી શકે છે મદદ
જેઓ સારી રીતે વાંચી શકતા નથી તેમને વોઈસ એન્જિન મદદ કરી શકે છે. આમાં, ટેક્સ્ટને મોટેથી વાંચવા માટે કુદરતી અવાજના અવાજનો ઉપયોગ કરીને તેમને મદદ કરી શકાય છે. OpenAI માને છે કે લોકો માટે સિન્થેટિક વૉઇસ ટેક્નોલોજી સમજવી મહત્વપૂર્ણ છે અને અમે તેના પડકારોને પહોંચી વળવા અને તેની તકોનો લાભ લેવા માટે સંશોધકો, ડેવલપર્સ પૉલીસી મેકર્સ સાથે જોડાવા માટે આતુર છીએ.