WhatsApp QR: આજકાલ દુનિયાભરમાં સૌથી વધુ વપરાતી એપ WhatsApp છે, વૉટ્સએપ એક ઇન્સ્ટન્ટ મેસેજિંગ એપ છે અને અત્યારે દેરકના મોબાઇલમાં આ એપ ઇન્સ્ટૉલ હોય છે, કેમ કે આ એપથી મોટાભાગનુ જરૂરી કામ આસાનીથી થઇ જાય છે. જોકે, આ વૉટ્સએપની સૌથી મોટી સમસ્યા હંમેશા ચેટ ટ્રાન્સફરની રહી છે. કેટલીય થર્ડ પાર્ટી એપ્સ વૉટ્સએપ ચેટ ટ્રાન્સફરની ફેસિલિટી આપે છે, પરંતુ આમાં ડેટા લીક થવાનું જોખમ રહેલું છે. હવે વૉટ્સએપે ચેટ ટ્રાન્સફર કરવા માટે શ્રેષ્ઠ ફિચર રિલીઝ કર્યુ છે. હવે તમે QR કૉડ સ્કેન કરીને WhatsApp ચેટ્સને એક ફોનથી બીજા ફોનમાં ટ્રાન્સફર કરી શકો છો. જાણીએ કેવી રીતે...
Meta CEO માર્ક ઝકરબર્ગે પોતાની એક ફેસબુક પૉસ્ટ દ્વારા વૉટ્સએપના આ ફિચર વિશે માહિતી આપી છે. વૉટ્સએપની ચેટ હિસ્ટ્રી હવે આસાનીથી ટ્રાન્સફર કરી શકાશે. ઝકરબર્ગે કહ્યું છે કે તે પુરેપુરી રીતે સુરક્ષિત રહેશે. ચેટના કદને લઈને કોઈ સમસ્યા નહીં હોય એટલે કે તમારી ચેટમાં મોટી ફાઈલો અથવા એટેચમેન્ટ્સ હોવા છતાં ચેટ સરળતાથી ટ્રાન્સફર થઈ જશે.
આની સાથે જ શરત એ છે કે, બન્ને ડિવાઇસીસમાં એક સરખી જ ઓપરેટિંગ સિસ્ટમ હોવી જોઈએ એટલે કે ચેટ ત્યારે જ ટ્રાન્સફર થશે, જ્યારે બન્ને ફોન iPhone અથવા Android હોય એટલે કે iPhoneથી Android અને Androidથી iPhone પર ચેટને QR કૉડ સ્કેનિંગ દ્વારા ટ્રાન્સફર નહીં કરી શકો. માર્ક ઝકરબર્ગે આનો એક વીડિયો પણ શેર કર્યો છે.
હાલમાં, ક્લાઉડ બેકઅપનો ઉપયોગ ચેટ્સ ટ્રાન્સફર કરવા માટે થાય છે. QR કૉડ સ્કેન કરવાની પ્રૉસેસમાં ડેટાનો ક્લાઉડ પર બેકઅપ લેવામાં નહીં આવે, સૌથી સારી વાત એ છે કે તમારે તમારા WhatsApp ડેટાનું બેકઅપ લેવાની પણ જરૂર રહેતી નથી. આ પ્રૉસેસ એટલે કે ચેટ ટ્રાન્સફર કરવા માટે QR કૉડ સ્કેન વૉટ્સએપ સ્થાનિક Wi-Fi નેટવર્કનો ઉપયોગ કરે છે, એટલે કે તે બે ડિવાઇસીસ વચ્ચે Wi-Fi નેટવર્ક બનાવે છે. QR કૉડથી ચેટ્સ ટ્રાન્સફર કરવા માટે તમારે જૂના ફોનના વૉટ્સએપ સેટિંગ્સમાં જવું પડશે અને પછી ચેટ્સ પર ક્લિક કરીને ચેટ્સ ટ્રાન્સફર પર જવું પડશે. આ પછી તમને QR કૉડ સ્કેન કરવાનો ઓપ્શન મળશે, જેને તમારે ફરીથી સ્કેન કરવો પડશે.
Join Our Official Telegram Channel: