કોરોના વાયરસ વચ્ચે કોન્ટેક્ટ ટ્રેસિંગ માટે ઉપયોગ કેન્દ્ર સરકાર તરફથી આરોગ્ય સેતુ એપ ડાઉનલોડ કરવા ભાર મૂકવામાં આવ્યો હતો. આરોગ્ય સેતુ એપની વેબસાઇટ કહે છે કે તેને નેશનલ ઇન્ફોર્મેટિક્સ સેંટર અને આઇટી મંત્રાલયે ડેવલપ કરી છે. પરંતુ આ એપને લઇ કરવામાં આવેલી આરટીઆઈમાં બંનેએ કહ્યું કે, એપ કોણે ડેવલપ કરી તે અંગે કોઇ જાણકારી નથી.
કોરોનાકાળમાં આરોગ્ય સેતુ એપને લોન્ચ કરવામાં આવી હતી. અત્યાર સુધીમાં કરોડો લોકો તેને ડાઉનલોડ કરી ચુક્યા છે. યૂઝર્સે આને બહુજ ઓછા સમયમાં દુનિયામાં સૌથી વધુ યૂઝ કરનારી ડાઉનલૉડ એપ બનાવી દીધી હતી. આરોગ્ય સેતુ મોબાઇલના બ્લૂટુથ અને જીપીએસ કનેક્ટિવિટી દ્વારા કૉવિડ-19થી સંક્રમિત લોકોને શોધવામાં મદદ કરે છે.
એપના માધ્યમથી યૂઝર્સ જાણી શકે છે કે તે કોઇ કૉવિડ-19થી સંક્રમિત વ્યક્તિના સંપર્કમાં આવ્યો છે કે નહીં. આ એપ યૂઝર્સને તેમના લક્ષણોનુ સ્વ-મૂલ્યાંકન કરવાની અનુમતિ આપે છે.