Youtube Premium Free Subscription: યુટ્યુબ જોતી વખતે ઘણી જાહેરાતો (Ads)આવે છે, જે વીડિયો જોવાની મજા બગાડે છે. જો તમને યુટ્યુબ પર વીડિયો જોવાનું પસંદ છે તો તમારા માટે સારા સમાચાર છે. કંપની તમને ફ્રી સબસ્ક્રિપ્શન મેળવવાની તક આપી રહી છે. જણાવી દઈએ કે, YouTube પ્રીમિયમ સબસ્ક્રિપ્શન મેળવવા માટે 169 રૂપિયા ચૂકવવા પડશે. જો કે, તમે કોઈપણ પૈસા ચૂકવ્યા વિના YouTubeનું મફત સબ્સ્ક્રિપ્શન પણ મેળવી શકો છો. આ માટે તમારે કંપનીના રેફરલ પ્રોગ્રામનો ભાગ બનવું પડશે. લોકો દર મહિને રૂ. 169 ચૂકવીને YouTubeનું પ્રીમિયમ સબ્સ્ક્રિપ્શન લઈ શકે છે. આનો અર્થ એ છે કે, સબ્સ્ક્રિપ્શન માટે એક વર્ષમાં 2,000 રૂપિયા સુધીનો ખર્ચ કરવો પડી શકે છે. અહીં અમે તમને એક એવી જ શાનદાર રીત જણાવી રહ્યા છીએ, જેની મદદથી તમે આ પૈસા બચાવી શકો છો અને ફ્રી સબસ્ક્રિપ્શન મેળવી શકો છો.
આ રીતે કામ કરે છે Referral Program:
YouTube પર પ્રીમિયમ સબ્સ્ક્રિપ્શન મેળવવા માટે, તમારે રેફરલ પ્રોગ્રામમાં ભાગ લેવો આવશ્યક છે. આ પ્રોગ્રામ હેઠળ, તમારે તમારા રેફરલ કોડ સાથે તમારા મિત્રો અને પરિવારને લૉગિન કરવું પડશે. 12 મહિનાનું મફત YouTube પ્રીમિયમ સબ્સ્ક્રિપ્શન મેળવવા માટે, 12 લોકોએ તમારા રેફરલ કોડનો ઉપયોગ કરવો પડશે. જ્યારે તમારા રેફરલ કોડ સાથે નવો યુઝર સાઇન અપ કરે છે, ત્યારે તમને એક મહિનાનું સબ્સ્ક્રિપ્શન મળશે. જો કે, iPhone યુઝર્સ માટે હજુ સુધી કોઈ YouTube રેફરલ કોડ પ્રોગ્રામ નથી આવ્યો. એ પણ જણાવી દઈએ કે કંપનીનો આ રેફરલ પ્રોગ્રામ મે 2023 સુધી લાઈવ રહેવાનો છે.
આ રીતે 12 મહિનાનું ફ્રી સબસ્ક્રિપ્શન મેળવોઃ
સૌ પ્રથમ, તમારા સ્માર્ટફોન પર તમારી YouTube Android એપ્લિકેશન ખોલો.
એપ્લિકેશન ખોલ્યા પછી, એપ્લિકેશનના ઉપરના જમણા ખૂણામાં તમારા પ્રોફાઇલ પિક્ચર પર ક્લિક કરો.
પછી Your Premium benefit વિકલ્પ પર ક્લિક કરો.
ક્લિક કર્યા પછી, તમે URL સાથે Get up to 12 bonus months નો વિકલ્પ જોશો.
તમે તમારા કોન્ટેક્સના લોકો સાથે આ લિંક શેર કરીને તમારું બોનસ મેળવી શકો છો.