EPFO ધારકોનું લઘુત્તમ પેન્શન થઈ શકે છે 3000 રૂપિયા, 50 લાખ પેન્શનરોને ફાયદો થશે

ઓલ ઇન્ડિયા ઇપીએસ-95 પેન્શનર સંઘર્ષ સમિતિ પણ લઘુત્તમ પેન્શન વધારવાને લઇને સંઘર્ષ કરી રહી છે. ગત સપ્તાહે રામલીલા મેદાનથી જંતરમંતર મેદાન સુધી માર્ચ યોજી હતી. જેમાં 22 રાજયોના હજારો દેખાવકારોએ ભાગ લીધો હતો. સમિતિના રાષ્ટ્રીય સંયોજક અશોક રાઉતનું કહેવુ છે કે જો ઇપીએફઓ અમારી માંગણી નહી સંતોષે તો અમે દરેક પ્રધાનો, સાંસદો અને ધારાસભ્યોને મળશુ અને આને રાષ્ટ્રીય આંદોલન બનાવશુ. હાલ ૧૦૦૦નું પેન્શન મળે છે જે અપુરતુ છે અને આને વધારવુ જરૂરી છે.

શ્રમ મંત્રાલયના સૂત્રોના જણાવ્યા મુજબ આ અંગે પેન્શનરો સાથે વાતચીત થઇ ગઇ છે. તેઓની માંગને જોતા ન્યુનતમ પેન્શનમાં વધારોનો પ્રસ્તાવ નાણા મંત્રાલયને મોકલાયો છે. આ અંગે જલદી નિર્ણય લેવાય તેમ શ્રમ મંત્રાલય ઇચ્છે છે.

હાલ ઇપીએફઓના પેન્શનર્સને ન્યુનતમ 1000 રૂપિયા પેન્શન મળી રહ્યુ છે. આ રકમ વધારવા પેન્શનરોની લાંબા સમયથી માંગણી કરી રહ્યા છે. જો સરકાર આ નિર્ણય લેશે આનાથી લગભગ 5૦ લાખ પેન્શનરોને ફાયદો થશે.

નવી દિલ્હી: કર્મચારી ભવિષ્ય નીધિ સંગઠન (ઇપીએફઓ)ના પેન્શનર્સને ટુંક સમયમાં સારા સમાચાર મળી શકે છે. જે મુજબ મીનીમમ પેન્શન વધારીને 3000 રૂપિયા કરવામાં આવી શકે છે. આ અંગેનો પ્રસ્તાવ શ્રમ મંત્રાલયે તૈયાર કરી નાણા મંત્રાલયને મોકલ્યો છે હવે નાણા મંત્રાલય પીએમઓ સાથે વાતચીત કરી અંતિમ નિર્ણય લેશે. તે પછી સેન્ટ્રલ બોર્ડ ઓફ ટ્રસ્ટી પાસે તેને પસાર કરાવાશે.