અભિષેક બચ્ચન નહી પરંતુ આ બોલીવુડ અભિનેતા કરશે પ્રિયંકા ચોપરા સાથે રોમાંસ

પ્રિયંકા અને ફરહાન જાયરાના માતા-પિતાનો રોલ નિભાવશે. ઓગષ્ટમાં ફિલ્મનું કામ શરૂ થઇ જશે. આ પહેલા આ જોડીએ ફિલ્મ દિલ ધડકને દોમાં કામ કર્યુ હતું. જેમાં બંને ભાઇ-બહેન બન્યા હતાં. આયેશા ચોધરી 13 વર્ષની છોકરી હતી. જે પલ્મોનરી ફાઇબ્રોસિસ નામની બિમારીથી પીડાતી હતી. આમ છતાં તેણે એક પુસ્તક લખ્યું હતું અને લોકોને જાગૃત કર્યા હતાં.

મુંબઈ: જાણીતા નિર્દેશક અલી અબ્બાસ જફરના નિર્દેશનમાં બનનારી ફિલ્મ 'ભારત'થી અભિનેત્રી પ્રિયંકા ચોપરા બોલીવુડમાં કમબેક કરી રહી છે. બોલીવુડની દેશી ગર્લ ખૂબ લાંબા સમય બાદ બોલીવુડમાં કમબેક કરી રહી છે. આ ફિલ્મનું હજું શૂટિંગ શરૂ પણ નથી થયું ત્યાં પ્રિયંકા ચોપરાના ખાતામાં વધુ એક ફિલ્મ આવી ગઈ છે.

પ્રિયંકા ચોપરાને ફિલ્મ ભારત બાદ સોનાલી બોસની ફિલ્મ માટે સાઈન કરવામાં આવી છે. આ ફિલ્મમાં પ્રિયંકા ચોપરા અને ફરહાન અખત્ર સાથે જોવા મળશે. ચર્ચા છે કે સોનાલી આયશા ચૌધરીના પુસ્તક અને તેના જીવન પર ફિલ્મ બનાવવા જઈ રહી છે. ઉલ્લેખનીય છે કે આ ફિલ્મ માટે પહેલા અભિષેક બચ્ચનનું નામ ફાઈનલ કરવામાં આવ્યું હતું પરંતુ કોઈ કારણોસર તેમનું નામ આ ફિલ્મથી અલગ થઈ ગયું. હવે આ ફિલ્મમાં ફરહાન અખ્તરને લેવામાં આવ્યો છે.

આયેશા ચોધરીના જીવન પર આધારીત આ ફિલ્મમાં મુખ્ય બાળ કલાકાર તરીકે જાયરા વસીમ હશે. જેણે દંગલ અને સુપરસ્ટારમાં કામ કર્યુ છે. જ્યારે પ્રિયંકા ચોપડા અને ફરહાન અખ્તર પણ મહત્વના રોલમાં છે.