વડોદરાઃ યુવકે પત્નીની હત્યા કરી પછી બાથરૂમમાં જઈને ન્હાયો અને કોને કર્યો ફોન? જાણો વિગત

ગુરુવારે મનિષ પોતાનો સામાન લેવા ઘરે આવ્યો હતો. રચના પણ આ જ દિવસે ઉદયપુર જવાની હતી. જેના માટે સામાન પણ પેક કરી રાખ્યો હતો. મનિષ સામાન લેવા આવ્યો ત્યારે બંને વચ્ચે બોલાચાલી થઈ હતી અને જેને ઉગ્ર સ્વરૂપ ધારણ કર્યું હતું.

મનિષ ન્હાઇને બહાર આવ્યા પછી તેણે કપડા ચેન્જ કરી લીધા હતા. આ પછી આવેશ ઓછો થતાં તેણે ઓલ્ડ પાદરા રોડ ખાતે રહેતી રચનાની બહેનને ફોન કર્યો હતો અને તેણે આવેશમાં રચનાની હત્યા કરી નાંખ્યાનું જણાવ્યું હતું. જોકે, આ પછી તે ખૂબ જ હતાશ થઈ ગયો હતો અને એપાર્ટમેન્ટના છઠ્ઠા માળે જતો રહ્યો હતો અને ત્યાંથી કૂદીને આપઘાત કરી લીધો હતો.

વડોદરા: ભાયલીમાં પૂર્વ પત્ની રચનાની હત્યા કર્યા પછી મનિષે પણ આત્મહત્યા કરી લેતા ભારે ચકચાર મચી ગઈ છે. યુવકે પત્નીને માથામાં દસ્તો મારીને હત્યા કરી નાંખી હતી. જોકે, દસ્તો મારતા યુવક લોહીલૂહાણ થઈ ગયો હતો. જેથી તે હત્યા પછી બાથરૂમમાં ન્હાવા માટે ગયો હતો.

છત પર જઈને મનિષે દસ્તો ખુલ્લા મેદાનમાં ફેંકી દીધો હતો. આ પછી તે નીચે કૂદી ગયો હતો. મનિષ અને રચના સીઝન પ્રાઇમ સોસાયટીમાં રહેતા હતા. જોકે, દસ વર્ષના લગ્નજીવનનો 20 દિવસ પહેલા જ અંત આવ્યો હતો. મનિષે પત્ની રચનાને લગ્નેત્તર સંબંધ હોવાની શંકામાં પત્નીને છૂટાછેડા આપી દીધા હતા.