અમદાવાદઃ દસ વર્ષના ટેણીયાએ કાર રિવર્સમાં દોડાવી ને બધાના શ્વાસ થઈ ગયા અધ્ધર, જુઓ વીડિયો

અમદાવાદઃ ગુરુકુળ રોડ પર હિમાલીયા મોલની સામે કારણ ટાયર બદલવાની એક દુકાન આવેલી છે ત્યાં ગઈકાલે એક વ્યક્તિ પોતાની કારનું ટાયર બદલવવા પોતાના 10 વર્ષના દીકરા સાથે આવેલા હતા. દરમિયાન આ બાળકને તેના પિતાએ કારની ચાવી આપી હતી અને કારને લોક કરવા માટે જણાવ્યું હતું, પરંતુ એ બાળકે  અચાનક જ કારની ડ્રાંઈવિગ સીટ પર બેસી કાર ચાલી કરી ચલાવતા અચાનક ફૂલ સ્પીડમાં કાર પાછળની તરફ ભાગી હતી. નજીકમાં રહેલી કાર સાથે અથડાઈ હતી, જેથી તેને નુકશાન પહોંચ્યું હતું. એટલું જ નહીં, નજીકમાં રહેલો કેટલોક સમાન પણ અડફેટે આવી ગયો હતો.

સદનશીબે નજીક કામ કરી રહેલો વ્યક્તિ બાજુની કારમાં જતા તેનો બચાવ થયો હતો. આ સમગ્ર ઘટના સીસીટીવી કેમેરામાં કેદ થઇ ગઈ છે. ત્યારે આ મામલે દુકાન માલિકે એ ડિવિઝન ટ્રાફિક પોલીસ સ્ટેશનમાં ફરિયાદ નોંધાવી છે. પોલીસે આ મામલે તપાસ શરુ કરી છે. (સ્ટોરીઃ હર્મેશ સુખડિયા, અમદાવાદ)