Hun To Bolish | હું તો બોલીશ | આ પનીર ન ખાતા
બજારમાં અલગ અલગ બ્રાન્ડના નામે પનીર વેચાય છે. જે દેખાવમાં તો 100 ટકા શુદ્ધ પનીર જેવા લાગે છે પણ આ સફેદ પનીરનું કાળુ સત્ય જાણીને તમે પણ પનીર ખાતા 100 વાર વિચાર કરશો. નકલી સ્વાસ્થ્ય માટે અતિ હાનિકારક, નકલી પનીરમાં હલકી ગુણવત્તાનું દૂધ, કલર ઉમેરવો, પામ ઓઈલનો ઉપયોગ કરવો. અને આ બધુ જ. લીવર, કિડની, આંતરડાને નુકસાનકારક છે. ભેળસેળિયા તત્વો પોતાને લાભ થાય તે માટે લોકોના આરોગ્યની એક ટકો પણ ચિંતા નથી કરતા. ખાસ કરીને લોકોના મોઢે હોય છે પનીર બટર મસાલા. પરંતુ હકીકતમાં તે ઝેર બટર માસાલા છે. આવુ અમે નથી કહી રહ્યા. આ પનીરના સેમ્પલ લીધા બાદ તપાસમાં જે ખુલાસા થયા તે પરથી સામે આવ્યું છે.
સૌ પ્રથમ વાત સુરતની છે જ્યાંથી પાંડેસરમાં શંકાસ્પદ પનીર બનાવતુ કારખાનું ઝડપાયું. 1 હજાર 404 કિલો શંકાસ્પદ પનીર ઝડપાયું છે. SOGની ટીમે સુરત મનપાના ફૂડ એન્ડ ડ્રગ્સ વિભાગને સાથે રાખી દરોડા પાડ્યા. રેડ દરમિયાન કારખાનાનો માલિક મહેશકુમાર પૂર્ણાશંકર શર્મા હાજર મળી આવ્યો હતો. જે મૂળ રાજસ્થાનના ઉદયપુરનો રહેવાસી છે. છેલ્લા બે વર્ષથી આ જ પ્રકારે તેઓ લોકોના આરોગ્ય સાથે ચેડા કરતા અને દરરોજ અંદાજે 400 કિલો પનીરનું વેચાણ થતું. તપાસ દરમિયાન કારખાનામાંથી એસિડિક એસિડનું 10 લિટરનું કેન, પામોલિન તેલના ખાલી ડબ્બા, પામોલિન તેલના ભરેલા 15 કિલોના 16 ડબ્બા, મશીનરી સહિતનો મુદ્દામાલ જપ્ત કરાયો છે. કૂલ અંદાજીત 28 લાખ 44 હજાર 170નો મુદ્દામાલ જપ્ત કરાયો છે.
ટોપ સ્ટોરી
ટ્રેન્ડિંગ સમાચાર
