Hun To Bolish : હું તો બોલીશ : બેદરકારીથી બરબાદી

હવામાન વિભાગની આગાહી પ્રમાણે સમગ્ર રાજ્યના વાતાવરણમાં ગઈકાલે પલટો આવ્યો સૂસવાટા સાથે તેજ સાંધી જેવો પવન ફૂંકાયો. વરસાદ ખાબક્યો. ચોમાસા પહેલા ખાબકેલી બરબાદીથી અનેક જગ્યા પર વૃક્ષો પડ્યા. ઘરોના પતરા ઉડ્યા. હોર્ડિંગ રસ્તા પર પડ્યા. ખેતરમાં ઉભો પાક બરબાદ થયો.. ક્યાંક પાક પલળી ગયો ક્યાંક રસ્તા પર ભૂવો પડ્યો.. ચોમાસા પહેલાની બરબાદીમાં સૌ પ્રથમ વાત દાહોદની કરીએ. 

દાહોદ શહેરમાં વાવાઝોડાના કારણે ગરબાડા ચોકડી નજીક સ્માર્ટ સિટી પ્રોજેક્ટનું એક મહાકાય સાઇન બોર્ડ ધરાશાયી થયું. રસ્તાની વચ્ચોવચ આ સાઈન બોર્ડ પડતા ત્રણ લોકોના મોત નીપજ્યા છે. એક વ્યક્તિનું ઘટના સ્થળે... જ્યા અન્ય બે વ્યક્તિના સારવાર દરમિયાન મોત નીપજ્યું. આ સાઈન બોર્ડ પડતા અનેક સવાલ પણ ઉઠી રહ્યા છે. કારણ કે ભારે પવનને કારણે પતરાના શેડ ઘણી વખત ઉડે તે ઘટના આપણે સાંભળી.. પણ આ તો આખે આખુ સાઈન બોર્ડ પર ઘરાશાયી થયું. એ પણ વચ્ચેથી સાઈન બોર્ડના થાંભળા નથી તૂટ્યા. જે સ્ટ્રક્ચર જમીન સાથે હોય તે જ નબળું જોવા મળ્યું. આ મારે એટલા માટે કહેવું પડે છે. કારણ કે આખે આખુ સ્ટ્રક્ચર જ જમીનદોસ્ત થયું... જે પણ એજન્સીને કામગીરી સોંપવામાં આવી તેને કામગીરીમાં ઠાગાઠ્યા કર્યા. અને ત્રણ નિર્દોષ નાગરિકોનો જીવ ગયો.