Hun To Bolish : હું તો બોલીશ : બ્લૂ મૂન કોને નડશે કોને ફળશે ?

અત્યારે પુરૂષોત્તમ માસ એટલે કે અધિક માસ ચાલી રહ્યો છે. શાસ્ત્રો પ્રમાણે આ પુરૂષોત્તમ માસને આપણે અધિક માસ કહીએ છીએ. આ એ મે મહિનો છે જેમાં બે પૂનમ આવી. પહેલી પૂનમ મહિનાની શરૂઆતમાં અને બીજી પૂનમ મહિનાના અંતમાં. બીજી પૂનમ જો એક જ મહિનામાં આવે તો તેને બ્લૂ મૂન કહેવામાં આવે છે. આજે આકાશમાં અતિ દૂર્લભ ખગોળિય ઘટના બની રહી છે.  સામાન્ય રીતે દર અઢી વર્ષે એકવાર બ્લૂ મૂન દેખાય છે. આ વર્ષનો આ માઈક્રો મૂન પણ છે. કારણકે ચંદ્ર તેની ભ્રમણ કક્ષામાં પૃથ્વીથી સૌથી વધુ દૂર હશે. જેથી સામાન્ય પૂર્ણિમાની સરખામણીએ આજે ચંદ્ર થોડો વધારે નાનો દેખાઈ રહ્યો છે. જોકે આ તફાવત સામાન્ય આંખે સહેલાઈથી અનુભવી શકાતો નથી. આ બ્લૂ મૂન ક્યારેક થોડોક વાદળી રંગનો દેખાઈ શકે બાકી તો સામાન્ય પૂર્ણિમાના ચંદ્ર જેવો જ દેખાતો હોય છે. 

દેશભરના વિજ્ઞાન કેન્દ્રો પર આ દુર્લભ ખગોળિય ઘટના જોવા માટે ખાસ વ્યવસ્થા પણ કરવામાં આવી છે. આકાશ ચોખ્ખુ હશે ત્યાં સમગ્ર ગુજરાતમાં અને દેશમાં પણ આ બ્લૂ મૂનને જોઈ શકાશે..