Hun To Bolish : હું તો બોલીશ : કરોડપતિ બાબુને કોનો લાગ્યો 'કરંટ'

ડાયા ડમરા થઈને ચાલતા જુઓ આ સાહેબને... આ સાહેબ ક્લાસ વન નાયબ નિયામક અશ્વિન ચૌધરી છે.... લાંચિયા અધિકારીને નિવૃતિમાં 8 મહિના જ બાકી હતા.. અને પગાર અંદાજિત 1.70 લાખ.... પણ આવક કરોડોમાં.... ગાંધીનગરમાં વિદ્યુત નિરીક્ષકની કચેરીમાં ફરજ બજાવતા ક્લાસ વન નાયબ નિયામક અશ્વિન ચૌધરીની લાંચ લેવાના આરોપમાં ACBએ  ધરપકડ કરી... લાંચિયા બાબુ અશ્વિન ચૌધરીની કારમાંથી 5.51 લાખની રોકડ અને સુરત અને ગાંધીનગરના મકાનમાંથી અંદાજીત 2.64 કરોડનો મુદ્દામાલ મળી આવ્યો.. અશ્વિન ચૌધરીની પૂછપરછમાં ગાંધીનગર અને સુરતના રહેણાંક મકાનમાંથી 1.76 કરોડની રોકડ અને 88 લાખની સોના-ચાંદીની લગડી, દાગીના અને સિક્કા સાથે રદ થયેલી બે હજારની નોટના બે બંડલ પણ ACBની ટીમે જપ્ત કર્યા છે.. ACBની તપાસમાં ખુલાસો થયો કે લાંચિયો અધિકારી અશ્વિન ચૌધરીએ કંપનીઓની સોલાર પ્રોજેક્ટમાં સ્થળ અને નક્શાની ચકાસણી કર્યા વગર જ એક જ અઠવાડીયામાં 100થી વધુ ફાઈલો મંજૂરી કરી... સરકારે 31 મે બાદ કેટલીક સસ્તી ચાઈનીઝ કંપનીની સોલાર પેનલ પર પ્રતિબંધ મુક્યો હતો. જેથી મોટી સંખ્યામાં અરજદારોએ સોલાર પ્લાન્ટની મંજૂરી માટે ફાઈલો મુકી... સસ્તી ચાઈનીઝ પેનલનો સોલાર પ્લાન્ટ નાખવાથી અરજદારોને કરોડોનો ફાયદો થતો....  તેથી જ ફાઈલ દીઠ લાખો રૂપિયા આપતા... 31 મેએ ડેડ લાઈનનો અશ્વિન ચૌધરીએ ફાયદો ઉઠાવ્યો... 31 મે પહેલા એક અઠવાડિયામાં સોલાર પ્લાન્ટના સ્થળે રૂબરૂ તપાસ લગભગ અસંભવ હતી... જેથી એક અઠવાડિયામાં 140 ફાઈલ ખોટી રીતે મંજુર કરી... ACBએ પણ 31 મે પહેલા 30 મેએ સર્ચ કરી  કૌભાંડનો પર્દાફાશ કર્યો.... ACBની તપાસમાં ખુલાસો થયો કે કંપની અને અરજદાર સાથે ડિલ પ્રમાણે લાંચ લેવામાં આવતી... ACB લાંચિયા અધિકારી અશ્વિન ચૌધરીના બેંક ખાતાઓ, કુટુંબીજનોની મિલકતો અને તેના લોકરો અંગે માહિતી મેળવશે..   લાંચ આપનાર કંપની, અન્ય સ્ટાફ અને અન્ય કોઈ ખાનગી વ્યક્તિની સંડોવણી છે કે નહીં તે દિશામાં પણ તપાસ શરૂ કરવામાં આવી.. ચાર વર્ષથી વિદ્યુત નિયામક તરીકે કામ કરતા હતા..