Hun To Bolish : હું તો બોલીશ : દારૂ મુદ્દે ઘર્ષણ કેમ ?

એક બાજૂ દારૂના દૂષણને ડામવા માટે ગ્રામજનો પાંજરા મૂકી લોકોમાં જાગૃત્તિ લાવવાનો પ્રયાસ કરી રહ્યા છે તો બીજી તરફ સુરેન્દ્રનગરમાં દારૂના દૂષણને લઈને પોલીસ અને ગ્રામજનો વચ્ચે ઘર્ષણ સર્જાયું છે....સુરેન્દ્રનગર જિલ્લાના પાટડી તાલુકાનું વાલેવડા ગામ....જ્યાં 23 જાન્યુઆરીએ મોડી રાત્રે કાયદો અને વ્યવસ્થાના ધજાગરા ઉડ્યા...ગામમાં ચાલતા બેફામ દારૂના વેચાણ અંગે રજૂઆત કરવા ગયેલા ગ્રામજનો અને પોલીસ વચ્ચે મામલો બિચક્યો....ગ્રામજનોનો આરોપ છે કે, વાલેવડા ગામમાં લાંબા સમયથી બુટલેગરો બેફામ રીતે દારૂનું વેચાણ કરી રહ્યા છે....દસાડા પોલીસ જ્યારે તપાસ માટે પહોંચી ત્યારે બુટલેગરોને પકડવાને બદલે રજૂઆત કરનારાઓ પર જ ઉશ્કેરાઈ ગઈ...ગ્રામજનોનો એ પણ આરોપ છે કે, પીઆઈએ પોતાની સર્વિસ રિવોલ્વર કાઢી લોકોને જાનથી મારી નાખવાની ધમકી આપી.... રહીશોએ સ્પષ્ટ ચીમકી ઉચ્ચારી કે, અધિકારીઓ સામે FIR દાખલ નહીં થાય તો આંદોલન કરીશું....તો બીજી તરફ પીઆઈનું કહેવું છે કે, દસાડા પોલીસ ટીમ વાલેવડા ગામે બુટલેગરને પકડવા ગઇ હતી. ત્યારે બુટલેગરને છોડાવવા માટે ટોળાએ મહિલાઓ અને બાળકોને આગળ કરી ફરજ પર રુકાવટ કરી હતી....જેથી ટોળા સામે ફરિયાદ દાખલ કરવાની તજવીજ હાથ ધરાઈ છે....