Hun To Bolish : હું તો બોલીશ : જીમખાનું કે જુગારખાનું ?

3 ઓગસ્ટે અમદાવાદના દરિયાપુરમાં આવેલા મનપસંદ જીમખાના પર સ્ટેટ મોનિટરિંગ સેલે દરોડો પાડ્યો હતો. 24 કલાક ચાલેલી મેગા રેડમાં પોલીસે જુગાર રમતા અને રમાડતા 187 લોકોને ઝડપી પાડ્યા હતા. તેમની પાસેથી ₹3 લાખથી વધુ રોકડ, 25 વાહનો અને મોબાઈલ ફોન જપ્ત કરાયા છે. પોલીસે FIR નોંધી વધુ તપાસ હાથ ધરી.

અમદાવાદના દરિયાપુર વિસ્તારમાં આવેલા મનપસંદ જીમખાના સામે અમદાવાદ મ્યુનિસિપલ કોર્પોરેશને કાર્યવાહી કરી છે. કોર્પોરેશનના મધ્ય ઝોન એસ્ટેટ વિભાગે રહેણાક માટે મંજૂર કરાયેલા એકમનો કોમર્શિયલ ઉપયોગ કરવામાં આવતો હોવાના કારણે જીમખાનાને સીલ કરી દીધું છે. કોર્પોરેશને ચેતવણી આપી છે કે સીલ કરેલી મિલકતમાં કોઈ પ્રવેશ કરશે અથવા તેનો ઉપયોગ કરશે તો પોલીસ કાર્યવાહી કરવામાં આવશે.