Hun To Bolish : હું તો બોલીશ : મોંઘવારીનો માર

ઈરાન-ઈઝરાયલ-અમેરિકા વચ્ચેના યુદ્ધે સમગ્ર વિશ્વની સાથે ભારત અને ગુજરાતની અર્થવ્યવસ્થાને પણ મોટો ઝટકો આપ્યો છે.  સ્ટ્રેટ ઓફ હોર્મુઝમાં તેલની આપ-લે અટકતાં ક્રૂડ ઓઈલના ભાવ આસમાને પહોંચી ગયા છે.CNGના ભાવમાં છેલ્લા એક મહિનામાં 3.75 રૂપિયા પ્રતિ કિલોનો વધારો થયો. તો 1 જૂનના ₹82.35થી વધીને ₹86-88 ભાવ થયો. તો પીએનજીના ભાવ પણ વધ્યા. ઔદ્યોગિક PNGમાં ₹2થી 5 પ્રતિ SCM સુધીનો વધારો નોંધાયો. જેનાથી રસોઈ અને વાહનવ્યવહાર બંને મોંઘા થઈ ગયા. આ યુદ્ધના સીધા પરિણામે ગુજરાતમાં પેટ્રોલ અને ડીઝલમાં 7 રૂપિયા પ્રતિ લીટરથી વધુનો વધારો થયો છે. પ્રધાનમંત્રી નરેંદ્ર મોદી પણ જનતાને કહી ચૂક્યા છે કે ઈંધણનો વપરાશ ખપ પૂરતો જ કરો,વીજળી બચાવો. દૂધના ભાવમાં અમૂલે 2 રૂપિયા પ્રતિ લીટરનો વધારો કર્યો. તો પશુ આહાર અને પરિવહનના વધેલા ખર્ચને કારણે આ વધારો થયો છે. અમદાવાદ સ્કૂલ વાન એસોસિએશનની મળેલી બેઠકમાં સ્કૂલ વાન અને સ્કૂલ રિક્ષાના ભાડામાં માં ₹100 થી ₹200 સુધીનો વધારો કરવાનો નિર્ણય લેવામાં આવ્યો. ઘણા વાલીઓને આ વધારો ભારે પડી રહ્યો છે.આ બધાની અસરથી સામાન્ય મધ્યમ વર્ગના ખર્ચમાં મોટો વધારો થયો છે... રસોઈનો ખર્ચ વધ્યો, પરિવહન મોંઘું થયું, અને રોજિંદા જીવનની જરૂરિયાતો મોંઘી પડી ગઈ છે. હોટેલો અને રેસ્ટોરન્ટમાં થાળીના ભાવ પણ 10-20 ટકા વધી ગયા છે.સરકાર આ સ્થિતિને સંભાળવા પ્રયાસ કરી રહી છે, પરંતુ જ્યાં સુધી યુદ્ધ ચાલુ રહેશે ત્યાં સુધી સામાન્ય માણસને આ મોંઘવારીનો સામનો કરવો પડશે.