Hun To Bolish : હું તો બોલીશ : OBC અનામતથી સવર્ણોને નુક્સાન?

ગુજરાતમાં ટૂંક સમયમાં યોજાનારી સ્થાનિક સ્વરાજની ચૂંટણીઓમાં અનામતનો મુદ્દો હવે સુપ્રીમ કોર્ટના દ્વારે પહોંચ્યો... જીં હા પાટીદાર અગ્રણી દિનેશ બાંભણિયા દ્વારા કરવામાં આવેલી જાહેર હિતની અરજી પર આજે સુપ્રીમ કોર્ટમાં સુનાવણી યોજાઈ...અને સુપ્રીમ કોર્ટે હાઈકોર્ટમાં ચાલતી અરજી પર વહેલી તકે સુનાવણી કરવા આદેશ કર્યો છે...સાથે જ અરજદારને આ મામલે ગુજરાત હાઇકોર્ટમાં અપીલ કરવા આદેશ આપ્યો છે..આ અરજીમાં રાજ્ય સરકારની 27% OBC અનામત નીતિને પડકારીને ચૂંટણી પ્રક્રિયા રોકવાની માંગ કરવામાં આવી છે....આ જ મુદ્દે જાન્યુઆરી 2026માં સર્વણોની બેઠક મળી હતી...જેમાં પાટીદાર, ક્ષત્રિય અને બ્રાહ્મણ સહિતના બિન-અનામત વર્ગોએ હવે સ્થાનિક સ્વરાજની ચૂંટણીઓમાં 10 ટકા EWS અનામત લાગુ કરવાની માંગ કરી હતી....આ બેઠકમાં  કેટલાક ઠરાવો કરવામાં આવ્યા હતા જે મુજબ જે સમાજની વસ્તી વધુ છે તે બેઠક પર તે જ સમાજનો ઉમેદવાર હોવો જોઈએ...એટલું જ નહીં ઝવેરી કમિશનનો રિપોર્ટ જાહેર કરવાની અને તેની અમલવારીમાં રહેલી ભૂલો સુધારવાની માગણી પણ કરવામાં આવી હતી...જો કે આજની સુનાવણીમાં સુપ્રીમ કોર્ટે રાજ્ય સરકારની 27 ટકા ઓબીસી (OBC) અનામત નીતિ સામે ચૂંટણી પ્રક્રિયા પર રોક લગાવવાની માંગને ફગાવી દીધી છે. કોર્ટે સ્પષ્ટ કર્યું છે કે હાલના તબક્કે ચૂંટણી અટકશે નહીં.