Hun To Bolish : હું તો બોલીશ : પંચાયતમાં પતિદેવો પર પ્રતિબંધ

રાજનીતિમાં મહિલાઓનું પ્રતિનિધિત્વ વધે તે માટે રાજ્યમાં સ્થાનિક સ્વરાજ્યની સંસ્થાઓ એટલે કે પંચાયતો, સરપંચ અને મહાનગરપાલિકામાં 50% બેઠકો મહિલાઓ માટે અનામત છે.... ગુજરાતની  વાત કેન્દ્રમાં પણ ધ્યાને લેવામાં આવી છે.. પણ આ તમામની વચ્ચે ગ્રામપંચાયતથી લઈ તાલુકા-જિલ્લા પંચાયત સુધી મહિલાઓને માત્ર ચૂંટણીમાં ઉભા રાખવા પૂરતા જ ગણતરીમાં લેવાય છે....એકવાર ચૂંટાયા બાદ સત્તા અને ઓથોરિટી એ મહિલા પાસે નહીં પણ તેમના પરિવારના પુરુષો ભોગવતા હોય છે.... અનેકવાર સરપંચ પતિના, પતિદેવ રાજના  કિસ્સાઓ સાંભળ્યા પણ છે... 

વાત કરીએ રાજકોટની.... જ્યા ખુદ જિલ્લા વિકાસ અધિકારીએ લાલઘૂમ થવુ પડ્યું... કારણ કે જિલ્લામાં પંચાયતોમાં ચૂંટાયેલા મહિલાને બદલે પતિદેવો વહીવટ કરતા હોવાનું સામે આવ્યું છે... DDOએ એક પરિપત્ર બહાર પાડ્યો... જેમાં અલગ અલગ ચાર મુદ્દાઓનો સમાવેશ કરવામાં આવ્યો છે... પરિપત્રમાં ઉલ્લેખ કરાયો કે ચૂંટાયેલ મહિલા પ્રતિનિધિને બદલે પતિદેવ વહીવટ કરશે,, તો તલાટી કમ મંત્રી સામે થશે કાર્યવાહી.. પંચાયતની સભા બેઠકમાં પતિદેવોની હાજરી નહીં ચાલે.. માત્ર ચૂંટાયેલ મહિલા જ હાજર હોવી જોઈએ... આ ઉપરાંત પંચાયતના સરકારી રેકર્ડ કે ચેક બુકમાં ચૂંટાયેલ પ્રતિનિધિની જ સહી હોવી જોઈએ.. ના કે પતિ દેવોની... 

---
આ અગાઉ પણ ગીર સોમનાથમાંથી આવો કિસ્સો આંખે વળગ્યો હતો...  જેમાં શિક્ષણ સમિતિના ચેરમેન્ તરીકે મહિલા એવા પન્નાબેન ટાંકની વરણી તો થઈ.... પણ તેનો પુત્ર પ્રકાશ ટાંક જે ચેરમેન પદ ભોગવતો... ક્યાંક પતિદેવો રાજ કરે... તો ક્યાંક આવા નિઠ્ઠલા પુત્ર જે તૈયાર પદ પર વહીવટ કરે.... હકીકતે પ્રકાશ ટાંક જે જિલ્લા ભાજપ ઉપાધ્યક્ષ છે... પણ તેને હજુ મોટો હોદ્દો જોઈતો હતો.. જેથી તે કોઈ પણ કાર્યક્રમમાં જિલ્લા પંચાયતના શિક્ષણ સમિતિના ચેરમેન તરીકે ઉપસ્થિત રહેતો... આટલું જ નહીં.... શાળાના કાર્યક્રમમાં શિક્ષણ સમિતિના ચેરમેનના પદ તરીકે આમંત્રણ પત્રિકામાં તેમનું નામ છપાવતો.... 
---------
જે તે સમયે પાલિકા પ્રમુખોની વરણી થઈ હતી.. તે સમયે ગીર સોમનાથમાંથી પણ આવી ઘટના પ્રકાશમાં આવી...  નગરપાલિકાના પ્રમુખ આબીદાખાતુન ઐસાનહૈદર નકવી બન્યા...અહીં ઉલટું દ્રશ્ય જોવા મળ્યું....પ્રમુખ તરીકે નિયુક્તિ આબીદાખાતુન નકવીની થઈ છે પણ દ્રશ્યો જોતા તેમના પતિની નિયુક્તિ થઈ હોય તેવું લાગ્યું... ફૂલહાર પહેરાવીને તેમના પતિનું સન્માન કરવામાં આવ્યું....