Hun To Bolish : હું તો બોલીશ : ગાંજાના સૌદાગર કોણ?

Hun To Bolish : હું તો બોલીશ : ગાંજાના સૌદાગર કોણ?

આજે હું તો બોલીશમાં આપણે વાત કરીશું ગુજરાતમાંથી પકડાતા ગાંજા વિષે... સૌથી પહેલા તો આપને એ જણાવી દઉં કે લોકસભામાં રજૂ થયેલા આંકડા અનુસાર 3 વર્ષમાં કેટલો ગાંજો પકડાયો.. 

ત્રણ વર્ષમાં ગુજરાતમાંથી કેટલો ગાંજો જપ્ત કરાયો..? 
લોકસભાના આંકડા અનુસાર

વર્ષ    કેટલો ગાંજો જપ્ત કરાયો..?
2022  12,839 કિલો
2023  12,486 કિલો
2024  6,574  કિલો

ગુજરાત જાણે ધીમે ધીમે ગાંજાનું હબ બની રહ્યું છે... એક બાજુ ગાંજાની ખેતી પણ થાય છે...  તો બીજી બાજુ અલગ અલગ રસ્તેથી... અલગ અલગ કિમિયાઓ અપનાવીને ગુજરાતમાં ગાંજો ઘુસાડવામાં આવે છે...

ક્યારેક બાય ફ્લાઈટ, ક્યારેક ટ્રેન માર્ગે તો ક્યારેક રોડ માર્ગે ગાંજાની કરાય છે હેરાફેરી...  એ તો ઠીક પણ વિદ્યાર્થીઓની પાસે પણ ગાંજાની હેરાફેરી કરાવાય છે તે ચિંતાજનક છે..

ગુજરાતમાં ગાંજાના મુખ્ય કિસ્સાઓની વાત કરીએ તો.. 

અમદાવાદમાં 14 ફેબ્રુઆરીએ ડુંગળીની આડમાં સંતાડેલો 400 કિલો ગાંજો ઝડપી પાડવામાં આવ્યો.. 

અરવલ્લીમાં 12 ફેબ્રુઆરીએ તુવેર અને ઘઉંના પાક વચ્ચેથી ગાંજાના 83 છોડ  મળી આવ્યા.. 

સુરતમાં 12 ફેબ્રુઆરીએ ગાંજાની હેરાફેરી કરતો ITIનો વિદ્યાર્થી ઝડપાયો.. સિકંદરાબાદ રાજકોટ એક્સપ્રેસ ટ્રેનમાં કરાતી હતી ગાંજાની હેરાફેરી.. 

સુરતમાં 12 ફેબ્રુઆરીએ બેંગકોક  - સુરત ફ્લાઈટમાંથી બિનવારસી હાલતમાં ગાંજો મળી આવ્યો.. એ પહેલા 9 ફેબ્રુઆરએ પણ સુરત એરપોર્ટથી ગાંજો પકડાયો હતો.. 

આવા તો કંઇ કેટલાયે કિસ્સા છે જેમાં દારુની જેમ ગાંજો ઘુસાડવાના પણ અલગ અલગ રસ્તાઓ અપનાવવામાં આવે છે...