Ahmedabad FAKE PSI: અમદાવાદમાં AI ટેક્નોલોજીની મદદથી નકલી PSI બની યુવતીઓને ઠગનાર આરોપી ઝડપાયો

અમદાવાદમાં AI ટેક્નોલોજીની મદદથી નકલી PSI બની યુવતીઓને ઠગનાર આરોપી ઝડપાયો. આરોપી હિમાંશુ ડેટિંગ અને મેટ્રોમોનિયલ એપ્લિકેશનમાં PSI યુનિફોર્મ સાથે મુકતો ફોટો. યુવતીઓને વિશ્વાસમાં લઈ સંબંધ કેળવી પડાવતો નાણાં.

AI ટેક્નોલોજીનો ઉપયોગ કરી નકલી PSI બની યુવતીઓને ઠગનાર આરોપીની અમદાવાદ ક્રાઈમ બ્રાન્ચે ધરપકડ કરી.. આરોપી હિમાંશુ ઉર્ફે રોકી પંચાલ ડેટિંગ અને મેટ્રોમોનિયલ એપ્લિકેશનમાં PSIના યુનિફોર્મમાં AI જનરેટેડ ફોટો મૂકી યુવતીઓને વિશ્વાસમાં લેતો હોવાનું સામે આવ્યું. આરોપીએ આશરે 20 જેટલી યુવતીઓ સાથે સંબંધ કેળવી અલગ અલગ બહાનાં બનાવી નાણાં પડાવ્યા. બે યુવતીઓએ ક્રાઈમ બ્રાન્ચમાં ફરિયાદ નોંધાવતા સમગ્ર કૌભાંડનો પર્દાફાશ થયો. આરોપી યુવતીઓના પરિવારને વિશ્વાસ લઈ.. પૈસાની જરૂરિયાત, ઓપરેશન, ટ્રાન્સફર અથવા અન્ય ખર્ચના બહાનાં આપી 50 હજારથી 80 હજાર રૂપિયા સુધીની રકમ માંગતો...