LPG Price Hike: મિડલ ઇસ્ટ તણાવની ભારતમાં અસર, ઘરેલુ ગેસ સિલિન્ડરના ભાવમાં 60 રૂપિયાનો વધારો

મિડલ ઇસ્ટ પૂર્વમાં ઈરાન અને ઈઝરાયલ વચ્ચે ચાલી રહેલા યુદ્ધની અસર સમગ્ર દેશમાં પડી રહી છે. ઈરાને હોર્મુઝ સ્ટ્રેટ બંધ કરી દીધું છે, જેના કારણે આયાતી પ્રવાહીના ભાવમાં વધારો થયો છે. આ દરમિયાન, ભારતમાં LPG સિલિન્ડરના ભાવમાં પણ વધારો થયો છે. ઘણા ભારતીય રાજ્યોમાં LPG સિલિન્ડર હવે મોંઘા થઈ ગયા છે. 14.2 કિલોગ્રામના ઘરેલુ LPG સિલિન્ડરની કિંમતમાં ₹60નો વધારો કરવામાં આવ્યો છે. દિલ્હીમાં, 14.2 કિલોગ્રામના ઘરેલુ LPG સિલિન્ડરની કિંમત ₹853 થી વધીને ₹913 થઈ ગઈ છે. સૂત્રોના જણાવ્યા અનુસાર, નવા દર 7 માર્ચથી લાગૂ થશે.

દિલ્હીમાં 19  કિલોગ્રામના કોમર્શિયલ LPG સિલિન્ડરની કિંમતમાં પણ ₹115નો વધારો કરવામાં આવ્યો છે, જે આજથી, 7 માર્ચથી લાગુ થશે. દિલ્હીમાં 19 કિલોગ્રામના કોમર્શિયલ LPG સિલિન્ડરની કિંમત હવે ₹1,883 છે. સિલિન્ડરના ભાવમાં આ નવો ફેરફાર એપ્રિલ 2025ના ભાવમાં થયેલા ફેરફારને પગલે થયો છે. દેશની આર્થિક રાજધાની મુંબઈમાં, કોમર્શિયલ LPG સિલિન્ડર ₹1,835માં ઉપલબ્ધ થશે. સિલિન્ડરના ભાવમાં વધારાથી લોકોમાં ગભરાટ ફેલાયો છે. પુરવઠામાં આટલા નોંધપાત્ર ફેરફારની સીધી અસર જનતાના ખિસ્સા પર પડી રહી છે.