Junagadh Police : જૂનાગઢમાં મજાક-મસ્તીમાં મિત્રે જ કરી નાંખી મિત્રની હત્યા

Junagadh Police : જૂનાગઢમાં મજાક-મસ્તીમાં મિત્રે જ કરી નાંખી મિત્રની હત્યા

મિત્રો વચ્ચે થયેલી સામાન્ય મજાક-મસ્તી ખૂની ખેલમાં ફેરવાઈ ગઈ. ઘટના જૂનાગઢના કડિયાવાડ વિસ્તારની છે, જ્યાં જામકા ગામના રાશિશ ઉર્ફે ભયુ સોલંકી નામના યુવકની હત્યાનો આરોપ તેના જ મિત્રો પર લાગ્યો છે. કડિયાવાડમાં તમામ મિત્રો બેઠા હતા, ત્યારે જ મૃતક રાશેશ અને આરોપી રોનક ચૌધરી વચ્ચે સામાન્ય મજાક-મસ્તીમાં ઉગ્ર બોલાચાલી થઈ હતી. જેમાં ઉશ્કેરાયેલા રોનક ચૌધરીએ છરીથી રાશિશ પર હુમલો કરી દીધો. રાશિશ પર હુમલો કર્યા બાદ રોનકે અન્ય મિત્રોને પણ કોઈને ન કહેવા માટે ધમકી આપી. હુમલા બાદ લોહીલુહાણ હાલતમાં રાશેશને સારવાર માટે હોસ્પિટલમાં ખસેડવામાં આવ્યો. આરોપી રોનક પણ અન્ય મિત્રો સાથે રાશિશને હોસ્પિટલ લઈ ગયો. જોકે, ગંભીર ઈજાઓ હોવાથી રાશેશને વધુ સારવાર માટે રાજકોટ રિફર કરવામાં આવ્યો, જ્યાં સારવાર દરમિયાન રાશિશનું મોત નીપજ્યું. શંકાના આધારે પોલીસે તમામ મિત્રોની ઊંડાણપૂર્વક તપાસ હાથ ધરી, અને રોનકના ગુનાનો પરદાફાશ થયો.