South Gujarat Rain : દક્ષિણ ગુજરાતમાં પડ્યું માવઠું, રસ્તા પર સૂકવેલી ડાંગર પલળી ગઈ

South Gujarat Rain : દક્ષિણ ગુજરાતમાં પડ્યું માવઠું, રસ્તા પર સૂકવેલી ડાંગર પલળી ગઈ

South Gujarat Rain: આજે ભરુચ, વલસાડ, તાપી સહિતના જિલ્લામાં માવઠું ખાબક્યું હતું. અચાનક પડેલા વરસાદને પગલે રસ્તા પર સૂકવેલી ડાંગર પલળી ગઈ હતી. જેને કારણે ખેડૂતોના જીવ તાળવે ચોંટ્યા હતા. તેમજ ડાંગરને સંકેલવા માટે દોટ લગાવી હતી. 

વલસાડ જિલ્લામાં નવા વર્ષના દિવસોમાં જ મિની વાવાઝોડા જેવો ધોધમાર વરસાદ ખાબક્યો છે, જેના કારણે જનજીવન અસ્તવ્યસ્ત થઈ ગયું છે. બપોર બાદ પારડી અને હાલાર સહિતના વિસ્તારોમાં ભારે પવન અને ગાજવીજ સાથે વરસાદ વરસ્યો હતો, જેને લીધે ખેડૂતોના જીવ તાળવે ચોંટ્યા છે અને રસ્તાઓ પર પાણી ભરાઈ જતાં વાહનચાલકો પરેશાન થયા છે. દરમિયાન, હવામાન વિભાગે આગામી છ દિવસ માટે ગુજરાતના વિવિધ ભાગોમાં વરસાદની આગાહી કરી છે. બંગાળની ખાડીમાં સિસ્ટમ સક્રિય થવા, અપરએર સર્ક્યુલેશન અને વેસ્ટર્ન ડિસ્ટર્બન્સ ને કારણે દક્ષિણ ગુજરાત, ઉત્તર ગુજરાત, કચ્છ-સૌરાષ્ટ્રના છૂટાછવાયા જિલ્લાઓમાં હળવાથી મધ્યમ વરસાદની સંભાવના છે. ખાસ કરીને આવતીકાલે તાપી, ડાંગ, નવસારી, વલસાડ અને સંઘ પ્રદેશોમાં વરસાદ વરસી શકે છે.