Una Police: ઉના તાલુકાના એક ગામની યુવતી પર દુષ્કર્મ ગુજારનાર આરોપીનું પોલીસે કાઢ્યું સરઘસ

ઉના તાલુકાના એક ગામની યુવતી પર દુષ્કર્મ ગુજારનાર આરોપીનું પોલીસે કાઢ્યું સરઘસ. પ્રભાસ પાટણના અહમદ ફરીદ ઉર્ફે ફરાન હારૂન મલેકને નવાબંદર પોલીસ આજે કાયદાના દોરડા પહેરાવીની ઘટનાસ્થળ પર લાવી હતી. આરોપી અહમદ ફરીદને સાથે રાખીને પોલીસે ઘટનાનું રિ-કન્સ્ટ્રક્શન કર્યુ. પોલીસે કરેલા રિ-કન્સ્ટ્રક્શન દરમિયાન આરોપી અહમદ ફરીદની ચાલ બદલાયેલી જોવા મળી. લંગડાતો લંગડાતો આરોપી પોલીસના તમામ સવાલોનો જવાબ આપતો જોવા મળ્યો.. એટલુ જ નહીં. ગામની વચ્ચે જ પોલીસે આરોપીને હાથ જોડીને ઊઠક-બેઠક પણ કરાવી. આરોપીના નીકળેલા આ જ વરઘોડાને જોવા માટે મોટી સંખ્યામાં ગ્રામજનો પણ ઉમટ્યા આરોપી અહમદ ફરીદ પર યુવતીને ડરાવી ધમકાવીને દુષ્કર્મ ગુજાર્યાનોઆરોપ છે. મિત્ર અવેશની મદદથી પહેલા તો તેણે યુવતીને કોડીનાર બોલાવી. બાદમાં જૂનાગઢથી બસમાં બેસાડીને યુવતીને અમદાવાદ મોકલી દેવામાં આવી હતી. અમદાવાદમાં યુવતીને એક પીજીમાં રાખવામાં આવી હતી.. જ્યાંથી નવા બંદર મરીન પોલીસે યુવતીને મુક્ત કરાવીને આરોપીને ઝડપી પાડ્યો હતો.. કોર્ટે બે દિવસના રિમાન્ડ મંજુર કરતા હાલ તો પોલીસ મુખ્ય આરોપી અહમદ ફરીદ વિરૂદ્ધ પૂરાવા એકત્રિત કરવાની કાર્યવાહી કરી રહી છે..