Gujarat Rain Forecast : ગુજરાતમાં સાત દિવસ રહેશે વરસાદી માહોલ: હવામાન વિભાગની આગાહી

હવામાન વિભાગ મુજબ ચોમાસાએ મહારાષ્ટ્રમાં દસ્ક્ત આપી દીધી છે.. જેના પગલે હવે ગુજરાતમાં પણ હવામાનનો મિજાજ બદલાયો છે.. હવામાન વિભાગ મુજબ આગામી દિવસોમાં સૌરાષ્ટ્ર અને દક્ષિણ ગુજરાતના જિલ્લામાં વરસાદી માહોલ જામશે. આજે સૌરાષ્ટ્રના ગીર સોમનાથ, અમરેલી, ભાવનગરમાં હળવાથી મધ્યમ વરસાદની આગાહી કરાઈ.. તો દક્ષિણ ગુજરાતના નર્મદા, સુરત, તાપી, નવસારી,ડાંગ અને વલસાડ જિલ્લાના છુટાછવાયા સ્થળોએ હળવોથી મધ્યમ વરસાદ વરસી શકે છે.. હવામાન વિભાગે આજે સંઘ પ્રદેશ દીવ, દમણ અને દાદરાનગર હવેલીમાં પણ હળવા વરસાદ વરસવાની આગાહી કરી છે. તો કાલે એટલે કે 8 જૂને માત્ર દક્ષિણ ગુજરાતના જ તાપી, નવસારી, ડાંગ અને વલસાડની સાથે સંઘ પ્રદેશ દમણ અને દાદરાનગર હવેલીમાં વરસાદની આગાહી કરાઈ. દેશમાં દક્ષિણ-પશ્ચિમ ચોમાસાની રફતાર ખુબ જ મજબુત જોવા મળી રહી છે.. આગામી બેથી ત્રણ દિવસમાં ચોમાસું મહારાષ્ટ્રના બાકીના ભાગો, છત્તીસગઢ અને ઓડિશા તરફ આગળ વધવા માટે સાનુકૂળ પરિસ્થિતિઓ સર્જાઈ રહી છે.