NEET UG 2026 Paper Leak : NEET પેપરલીક મામલે શિક્ષણ મંત્રીની મોટી જાહેરાત

શિક્ષણ મંત્રી ધર્મેન્દ્ર પ્રધાને શુક્રવારે (15 મે) NEET પેપર લીક અંગે એક પ્રેસ કોન્ફરન્સ યોજી હતી. તેમણે જણાવ્યું હતું કે, સરકારની પ્રાથમિકતા વિદ્યાર્થીઓનું કલ્યાણ છે. તેમણે જણાવ્યું હતું કે કેટલાક લોકો સોશિયલ મીડિયા પર ભ્રમ ફેલાવી રહ્યા છે. પ્રેસ કોન્ફરન્સ દરમિયાન પ્રધાને આવતા વર્ષથી શરૂ થનારી NEET પરીક્ષામાં મોટા ફેરફારોની જાહેરાત કરી હતી. તેમણે જણાવ્યું હતું કે આવતા વર્ષથી NEET પરીક્ષા OMR શીટ્સને બદલે કમ્પ્યુટર આધારિત હશે.

પ્રેસ કોન્ફરન્સ દરમિયાન ધર્મેન્દ્ર પ્રધાને જણાવ્યું હતું કે, "NTA એ NEET UG પરીક્ષા 21  જૂને ફરીથી શેડ્યૂલ કરવાનો નિર્ણય લીધો છે. આ પરીક્ષા અગાઉ ૩ મેના રોજ યોજાઈ હતી. 7 મેના રોજ કેટલાક વાંધા ઉઠાવવામાં આવ્યા હતા, અને સરકારે તપાસ શરૂ કરી હતી. 12 મે સુધીમાં, એ સ્પષ્ટ થઈ ગયું કે ગેસ  પેપરની  આડમાં પેપર  લીક થયું હતું. અમે નથી ઇચ્છતા કે સાચા વિદ્યાર્થીઓને કોઈ નુકસાન થાય."