Sonia Gandhi Voter ID Case: વોટર લિસ્ટ વિવાદમાં કોર્ટે સોનિયા ગાંધીને આપી નોટિસ

દિલ્હીની રાઉઝ એવેન્યૂ કોર્ટે સોનિયા ગાંધીનું નામ મતદાર યાદીમાં સામેલ કરવાને લઈને મોટો નિર્ણય લીધો છે. કોર્ટે ભારતીય નાગરિકતા મેળવ્યા વિના મતદાર યાદીમાં તેમનું નામ સામેલ કરવાના આરોપમાં કોંગ્રેસના પૂર્વ અધ્યક્ષ અને દિલ્હી પોલીસને નોટિસ ફટકારી છે. આરોપ લગાવવામાં આવ્યો છે કે કથિત તરીકે ભારતીય નાગરિકતા પ્રાપ્ત કર્યા અગાઉ તેમનું નામ નવી દિલ્હીની મતદાતા યાદીમાં સામેલ કરવામાં આવ્યું હતું. કોર્ટ આ સમગ્ર મામલે આગામી સુનાવણી 6 જાન્યુઆરી 2026 કરશે.

નાગરિકતા સાથે જોડાયેલો આ વિવાદ ત્યારે ઉભો થયો જ્યારે વકીલ વિકાસ ત્રિપાઠી અદાલતમાં રિવીજન પિટીશન દાખલ કરી હતી. તેમનો આરોપ છે કે સોનિયા ગાંધીને 30 એપ્રિલ 1983ના રોજ ભારતની નાગરિકતા મળી હતી પરંતુ તેના ત્રણ વર્ષ અગાઉ એટલે કે 1980ની મતદાતા યાદીમાં તેમનું નામ પહેલાથી નોંધાયેલું હતું.  અરજીકર્તાનું કહેવું છે કે મતદાતા યાદીમાં તેઓનું નામ ફક્ત ત્યારે જ સામેલ કરી શકાય છે જ્યારે તેમની પાસે ભારતીય નાગરિકતા હોય તેથી 1980ની યાદીમાં એન્ટ્રી શંકા પેદા કરે છે.